Foto: Sıfrlyq damý, ınnovasııalar jáne aeroǵarysh ónerkásibi mınıstrligi
Mınıstrliktiń habarlaýynsha, jańa erejelerge sáıkes, elimizdegi myńǵa jýyq startap endi memlekettik satyp alýlarǵa qatysýǵa jáne qarjylyq turaqtylyq deńgeıin rastaýǵa múmkindik alady. Startaptar — jumys isteý tarıhy shekteýli jáne qarjylyq kórsetkishteri salystyrmaly túrde tómen jas kompanııalar. Osy sebepti olar buryn qarjylyq turǵyda turaqsyz dep baǵalanyp, bul olardyń reıtıngin tómendetken. Tıisinshe startaptardyń memlekettik satyp alýlarǵa qatysý múmkindigi shektelgen.
SDIAО́M bul talaptardy qaıta qaraý jóninde bastama kóterip, olardy jeńildetýdi usyndy.
«Búgingi tańda bizdiń usynysymyz memlekettik organdar tarapynan qoldaý tapty. Buryn startaptar osy talaptyń kesirinen avtomatty túrde memlekettik satyp alýlar júıesinen shyǵarylatyn, bul olardy óz sheshimderin memleketke usyný múmkindiginen aıyrdy. Endi jańa erejelerge sáıkes bul kedergi joıyldy. Nátıjesinde Astana Hub qatysýshylarynyń barlyǵy, sonyń ishinde Senimdi baǵdarlamalyq qamtamasyz etý tizilimine engender de memlekettik satyp alýlar júıesine tolyqqandy qatysa alady», dedi Jasandy ıntellekt jáne ınnovasııalardy damytý komıtetiniń tóraǵasy Ǵızzat Baıtursynov.
Bul bastama Ulttyq kásipkerler palatasy (UKP) men Básekelestikti qorǵaý jáne damytý agenttiginiń qoldaýyna ıe boldy. Sonymen qatar, jańa erejeler Qazaqstan Respýblıkasy Qarjy mınıstrligimen bekitilip, jaqyn arada kúshine enedi.
