Bul qarajat káriz júıelerin jańǵyrtý men qaıta jańartý jobalaryna baǵyttalýda. Onyń ishinde:
-
Qyzylorda qalasynyń káriz tazartý qurylǵysyna – 720 mıllıon teńge,
-
Lenger qalasynyń káriz júıesin jańǵyrtýǵa – 1 mıllıard teńge qarastyrylǵan.
Sondaı-aq, Aqtaý, Atyraý, Qarqaraly jáne Qarajal qalalarynda sý burý júıelerin jańartýǵa arnalǵan 4 joba júzege asyrylyp jatyr.
Jalpy «Kommýnaldyq jáne energetıka sektorlardy jańǵyrtý» Ulttyq jobasy aıasynda 45 qalada káriz tazartý qurylǵylary jańǵyrtylyp, 2,8 shaqyrym sý burý jáne 5 myń shaqyrym sý qubyry jelileri jańartý josparlanyp jatyr.
Sonymen qatar, 2029 jylǵa qaraı sý qubyry jelileriniń tozýyn 39%-dan 33%-ǵa deıin tómendetý kózdelgen.
«2029 jylǵa qaraı Ulttyq joba aıasynda sýmen jabdyqtaý jáne sý burý jelileriniń tozý deńgeıin tómendetý maqsatynda aýqymdy jańǵyrtý jumystaryn júrgizý josparlanǵan. Atap aıtqanda, sý qubyry jelileriniń tozý deńgeıin aǵymdaǵy 39%-dan 33%-ǵa deıin, al sý burý júıeleriniń tozýyn 41%-ǵa deıin tómendetý josparlanýda», delingen habarlamada.
Bul is-sharalardy júzege asyrý ınfraqurylymnyń tıimdiligin arttyrýǵa jáne óńirlerdegi ekologııalyq jaǵdaıdy jaqsartýǵa baǵyttalǵan.
