Comic Con Astana uıymdastyrýshylary kezekti halyqaralyq juldyzdyń esimin jarııalady. Kelýshilermen júzdesetin úshinshi akter – Skott Edkıns. Jaýyngerlik ónerdiń has sheberi, ekshn-fılmder men Marvel jobalaryndaǵy jarqyn rólderimen tanymal brıtan akteri kórermen qaýymǵa «Iýrıı Boıka» beınesi arqyly keńinen tanylǵan.
Edkınstiń qatysýymen jaryq kórgen fılmder qatarynda:
- «Neosporımyı» (Undisputed)
- «Doktor Strendj»
- «Djon Ýık 4»
- «Neýderjımye 2»
- «Lıýdı Iks: Rosomahanyń bastaýy»
- «Ýltımatým Borna»
- «Sel nomer odın», «Prestýpnık», «Ip Man 4» jáne taǵy basqalary bar.
Buǵan deıin 2025 jylǵy Comic Con festıvaliniń hedlaınerleri retinde Endı Serkıs pen Esaı Morales qatysatyny habarlanǵan bolatyn. Osylaısha, el astanasynda álemdik kınoındýstrııanyń úsh birdeı alpaýyt ókili bas qosady.
Festıvalge sonymen qatar Qewbite, Marmok, Nastıa Djekson, «Metal Family» avtorlary Alına Kovaleva men Dmıtrıı Vdovenko, «Chıornyı Kabınet» jobasynyń negizin qalaýshy Artıom Gýtkovskıı, sýretshi Big Gleb (Gleb Melnıkov) jáne YouTube-kreator Johan syndy medıaplatformalarda mıllıondaǵan aýdıtorııa jınaǵan kontentmeıkerler qatysady.
Festıval aıasynda mańyzdy mádenı oqıǵalardyń biri retinde Qazaqstan men Ispanııanyń birlesken halyqaralyq kınojobasy – Bitim (La Tregua) tanystyrylady. Bul joba – Netflix strımıng platformasyna baǵyttalǵan alǵashqy qazaq-eýropalyq yntymaqtastyq nátıjesi.
Visa – Comic Con 2025-tiń resmı seriktesi retinde shyǵarmashylyq pen ózin-ózi erkin bildirýge qoldaý kórsetip otyr. Kompanııa ókilderiniń aıtýynsha, «úlken ózgerister – bılet satyp alýdan bastalady».
Ortalyq Azııa keńistiginde balamasy joq bul festıval Astanany kreatıv ındýstrııasynyń naǵyz ortalyǵyna aınaldyrmaq. Gık-mádenıetten bastap jahandyq strımıngke deıingi barlyq baǵytty qamtıtyn Comic Con Astana – tek kóńil kóterý alańy ǵana emes, mádenı dıalog pen ıdeıalar toǵysatyn halyqaralyq platforma.
