instagram.com/sayasatnurbek
«Ol 1973 jyldan búgingi kúnge deıin uzaq jyldar boıy D.V.Sokolskıı atyndaǵy Janarmaı, katalız jáne elektrohımııa ǵylymı-zertteý ınstıtýtynda ınjener, kishi ǵylymı qyzmetker, aǵa ǵylymı qyzmetker, bas ǵylymı qyzmetker, ınstıtýt dırektorynyń orynbasary sekildi túrli laýazymdardy abyroımen atqaryp, sońǵy jyldary organıkalyq katalız zerthanasynyń meńgerýshisi laýazymdaryn atqardy.
Qanysh Imantaıulynyń óz sózimen aıtsaq, «maman, bilimdi ǵylym kadrlary – bizdiń negizgi kúshimiz, ǵylymdaǵy basty tulǵa». Álıma Qaınekeıqyzy osyndaı tulǵalardyń qatarynda boldy», dep jazdy Saıasat Nurbek.
Álıma Qaınekeıqyzy «Kınetıka jáne katalız», «Ekologııalyq katalız», «Munaı hımııasy», «Polımermen turaqtandyrylǵan nanoqurylymdy katalızatorlar» pánderi boıynsha magıstranttar men doktoranttarǵa dáris oqyp, kóptegen shákirt tárbıelegen.
«300-den astam ǵylymı maqalanyń avtory atanyp, eńbekteri halyqaralyq bedeldi basylymdarda jarııalandy. Onyń ishinde Scopus málimetter bazasyndaǵy CiteScore kórsetkishi 35-ten kem emes basylymdarda 6 maqala jáne CiteScore kórsetkishi 20-dan kem emes basylymdarda 4 maqalasy jaryq kórgen Á.Jarmaǵambetovanyń ǵylymdaǵy joly bizge úlgi. Germanııa, Fransııa, Italııa, Fınlıandııa, Majarstan, Túrkııa, Reseı, О́zbekstan elderinde halyqaralyq konferensııalarǵa qatysyp, qazaq ǵylymynyń atyn álemge tanytty.
Marqumnyń otbasyna, týǵan-týystaryna, áriptesterine jáne barsha ǵylymı qaýymǵa qaıǵyryp kóńil aıtamyn. Jatqan jeri jaıly, topyraǵy torqa bolsyn», dedi mınıstr.
