Sondaı-aq avtoparktiń jańartylýy polısııa qyzmetiniń tıimdiligin arttyryp, quqyq qorǵaý organdarynyń mobıldiligin, qylmystarǵa jedel áreket etý múmkindigin kúsheıtetin bolady.
«Qoǵam qaýipsizdigin qamtamasyz etýde tehnıkanyń mańyzy zor. Zań ústemdigin qamtamasyz etý, qylmyspen kúresý jáne qoǵamdyq tártipti saqtaý – memlekettiń basym baǵyttary. Árbir azamat ózin qaýipsiz sezinýi kerek», – degen óńir basshysy Marat Sultanǵazıev polısııa qyzmetkerleriniń eńbegine sáttilik tiledi.
Sý jańa qyzmettik kólikter Qonaev, Alataý qalasy men Eńbekshiqazaq, Ile, Talǵar, Qarasaı, Jambyl, Balqash, Kegen, Raıymbek jáne Uıǵyr aýdandarynyń polısııa bólimderine berildi.
Derek kózderine súıensek, sońǵy úsh jylda Almaty oblysynda ishki ister salasyn damytýǵa 51 mlrd teńgeden astam qarjy baǵyttalyp, 167 avtokólik, zamanaýı tehnıkalar, planshetter men serverlik qurylǵylar satyp alynǵan. Sonymen qatar beınebaqylaý júıeleri ornatylyp, 20 shuǵyl túımesin (SOS) iske qosý josparlanýda.
Búginde oblys aýmaǵynda 51 myńnan astam beınebaqylaý kamerasy iske qosylǵan.
Saltanatty jıyn barysynda qyzmettik boryshyn óteý kezinde erlikpen qaza tapqan polısııa qyzmetkerlerine qurmet kórsetildi. Táýelsizdik jyldary óńirde 40 plıseı qyzmettik mindetin atqarý barysynda ómirden ótken.
Almaty oblysy.
