Metall alý tıimdiligi artady

Qonaqtarǵa mıneralogııa, hımııalyq taldaý, gıdrometallýrgııa zerthanalary, sondaı-aq shaǵyn baıytý fabrıkasy tanystyryldy. Ortalyq ken men óndiristik qaldyqtyń fızıko-hı­mııa­lyq qasıetin tereń zert­teýge múmkindik beretin, eli­mizde sırek kezdesetin qu­ral­darmen jabdyqtalǵan. О́ner­kásip mınıstrliginiń ókilderi ortalyqtyń qyz­metin keńeıtý bastamasyn kóterip, polımetall men sırek kezdesetin jer ele­mentterin zertteýdi usyn­dy. «Qazaqmys» alańdy jańa bas­tamalardy damytýǵa ar­nalǵan salaaralyq ǵylymı-tehno­logııalyq hab retinde jetil­dirýge daıyn ekenin málimdedi.

Ideıa qalaı týdy?

R&D-hab «Qazaqmys» kompanııasy men Ǵylym mınıstrligi birlesip ótkizgen hakaton serııa­synyń jalǵasy retinde quryldy. Alǵashqy hakaton Jezqazǵanda uıym­dastyryldy, al 2024 jyly qarashada ortalyq tujy­rym­damasy Premer-mınıstr­diń qatysýy­men ótken Joǵary ǵylymı-tehnıkalyq ko­mıs­sııanyń otyrysynda tanystyrylyp, maquldandy.

2025 jylǵy aqpanda Qa­raǵandyda ótken ekinshi hakatonda mys kenin sil­tisizdendirý tehnologııasy talqylandy. Naý­ryz aıynda «KazGıdroMed» alańynda bola­shaq ortalyqtyń tehnı­kalyq tanystyrylymy ótkizildi.

Ortalyq nemen aınalysady?

Basymdyq berilgen ba­ǵyttar: jer astynda jáne jer ústinde siltisizdendirý tehnologııasy, óndirý men óńdeýdi oń­taılandyrý, keneýsiz ken men qaldyqtan metall alý, eko­logııalyq sheshimder jáne sıfrlandyrý. Ortalyq hakatonda iriktelgen ıdeıalardy qoldanbaly zertteýge, synaqtan ótkizýge jáne jańa óndiristik sheshim engizýge arnalǵan alańǵa aınalady. Negizgi baǵyttardyń biri retinde metall alý tıim­diligin arttyrýǵa jáne halyq­aralyq seriktes tartýǵa basym­dyq beriledi.

«Qazaqmys» elimizdiń taý-ken óndirýshi kompanııa­lary men ǵylymı zertteý uıymdaryn jobaǵa qosylýǵa shaqyrady. Or­talyq birlesip jumys isteýge daıyn. Ol kendi siltisizdendirý men óńdeý salasyna tehnologııa ázirleý men engizý sharasynda basty platformaǵa aınalýy múmkin.