Foto: OKQ
Oblys prokýrory Nurǵalym Ábdirovtiń aıtýynsha Prezıdenttiń bastamasymen qaıtarylǵan aktıvter esebinen óńirde áleýmettik ınfraqurylym jańǵyrtylyp, turǵyndar ıgiligine qyzmet etetin birqatar nysan salynyp jatyr.
«Solardyń biri – búgingi aýyzsý júıesi. Kópten kútken bul jobanyń iske asýy – halyqtyń ómir sapasyn arttyrý jolyndaǵy naqty qadam», dedi quttyqtaý sózinde N.Ábdirov.
Oblys ákimdiginiń málimetinshe aýyzsý júıesiniń qurylysyn «Pyraq-Qurylys» JShS júrgizdi. Qazirgi ýaqytta 75 úıdiń aýlasyna aýyzsý qubyry tartyldy.
«Bul kúndi uzaq kúttik. Búgingi kún – tek qýanysh emes, tarıhı sát. Aýylymyzda osyndaı ıgilikti is atqarǵan Memleketimizge, basshylarǵa sheksiz alǵysymdy bildiremin!», dedi aýyl aqsaqaly Kendebaı Ońǵarbaev.
Eske salaıyq, Memleket basshysynyń tapsyrmasyna sáıkes Jambyl oblysynda qaıtarylǵan aktıvter esebinen 15 aýyzsýmen jabdyqtaý jáne 4 densaýlyq saqtaý nysanynyń qurylysy qarjylandyryldy.
