Foto: Ashyq derekkóz
Kúdiktiler sońǵy bes jyl ishinde «Jyldam aqsha» degen ataýmen keńinen taralǵan fılıaldar jelisi arqyly azamattarmen 1,5 mlrd teńgeden asatyn somaǵa mıkroqarjy kelisimsharttaryn jasasqan. Nesıe sharttarynda paıyzdyq mólsherleme ashyq kórsetilmeı, ol bólek kelisim arqyly «keńes berý qyzmeti» túrinde rásimdelip otyrǵan. Bul qyzmetter kúdiktilerdiń týystaryna tirkelgen, ózderimen baılanysy bar JShS arqyly kórsetilgen.
«Qaryz alýshylar kúnsaıyn 1,5% tóleýge májbúr bolǵan, bul zańmen belgilengen shekti mólsherlemeden 0,3% ıaǵnı bes esege artyq. Atalǵan zańsyz mıkroqarjy uıymy arqyly 47 myńnan astam qaryz joǵary paıyzben berilgen», delingen habarlamada.
Aldyn ala esep boıynsha, zańsyz tabystyń jalpy kólemi 917 mln teńgeni quraǵan. Tergeý aıasynda sottyń sanksııasymen kúdiktilerdiń óndiristik jáne kommersııalyq nysandary men bir páterine tyıym salynǵan.
Tergeý jalǵasyp jatyr.
