Is-sharaǵa sondaı-aq Joǵarǵy Sottyń sot alqalarynyń tóraǵalary Nurserik Sháripov, Nazgúl Rahmetýllına jáne Aslan Túkıev, sondaı-aq Sot ákimshiliginiń basshysy Naıl Ahmetzakırov qatysty
Saltanatty rásimge qatysýshylarǵa quttyqtaý sózinde A.Merǵalıev Memleket basshysy Sýdıalardyń IX sezinde sot tóreligine qoljetimdilikti keńeıtýge, ınvestısııalar men bıznesti júrgizýge qolaıly jaǵdaı jasaýǵa, sondaı-aq ádilettilik jáne zań ústemdigi qaǵıdattaryn júzege asyrýǵa baǵyttalǵan sot reformasynyń mańyzdylyǵyn erekshe atap ótkenine toqtaldy.
Bul reformanyń negizgi elementi kassasııalyq sottardy engizý boldy.
Joǵarǵy Sot Tóraǵasynyń aıtýynsha, kassasııalyq satynyń ashylýy sot júıesi damýynyń jańa kezeńin bildiredi jáne memlekettiń sot tóreliginiń joǵary standarttaryn qamtamasyz etýge umtylysyn aıǵaqtaıdy.
Memleket basshysynyń Jarlyǵymen jańadan taǵaıyndalǵan kassasııalyq sottar tóraǵalar: azamattyq ister boıynsha – Asqar Smaıylov, qylmystyq ister boıynsha – Aqan Jumaǵulov, ákimshilik ister boıynsha – Berik Nájimıdenov sot korpýsyna tanystyryldy.
Joǵarǵy Sot Tóraǵasy kassasııalyq sottar elimizdegi «Zań men tártip» irgeli qaǵıdatyn bekite otyryp, zań ústemdigin qamtamasyz etýdiń tıimdi býynyna aınalatynyna senim bildirdi.
Resmı bólimnen keıin qatysýshylar azamattyq jáne qylmystyq ister jónindegi kassasııalyq sottar ǵımarattarynyń tusaýkeserimen tanysty, sondaı-aq ákimshilik ister jónindegi kassasııalyq sottyń keńseleri: front-ofısti, sot otyrysy zaldaryn, sýdıalar, prokýror, medıator, advokat jáne oqý ortalyǵyn qarap shyqty.
Odan keıin A.Merǵalıev pen E.Jıenbaev kassasııalyq satylardyń sýdıalar quramymen jumys keńesin ótkizdi, onyń barysynda basymdyqtar aıqyndalyp, naqty mindetter belgilendi.
Sol kúni Sot ákimshiliginiń basshysy N.Ahmetzakırov kassasııalyq sottar departamentiniń ujymyna onyń jańa basshysy – buryn Sot ákimshiliginiń Almaty qalasy boıynsha departament basshysy bolǵan Erjan Qojahmetovti tanystyrdy.
