Foto: Ashyq derekkóz
Japonııanyń Meteorologııa agenttiginiń dereginshe, saǵat 15:26-da bolǵan 5,5 magnıtýdaly jer silkinisi Kagosıma prefektýrasyna qarasty Kodakara aralynda japondyq 7 baldyq seısmıkalyq shkala boıynsha 5 ball deńgeıinde tirkelgen. Sýnamı qaýpi týraly eskertý jarııalanǵan joq.
Bul dúmpý tańǵy 4:32-de sol óńirde bolǵan 5,1 magnıtýdaly jer silkinisinen keıin tirkelip otyr. Ol 16 shaqyrym tereńdikte bolǵan. Al 5,5 magnıtýdaly keıingi silkinis 10 shaqyrym tereńdikte bolǵan.
Sonymen qatar, Akýsekı aralynda tańerteńgi dúmpý 5 baldan tómen deńgeıde sezilgen.
Agenttiktiń málimetinshe, dúısenbi kúni halqy 89 adamdy quraıtyn aralda da 5 baldan tómen taǵy bir jer silkinisi tirkelgen.
Aıta keteıik, 21 maýsymnan bastap Iаkýsıma men Amamı-Osıma araldarynyń mańynda ornalasqan osy aýdanda 865 jer silkinisi tirkelgen. Olardyń barlyǵy 1 baldan joǵary bolǵan. Bul kórsetkish sársenbi kúngi saǵat 9:00-degi jaǵdaı boıynsha berilgen.
Jergilikti meteorologııalyq bólimshe turǵyndardy abaı bolýǵa shaqyrady, sebebi jaqyn kúnderi 5 ball shamasynda jańa silkinister bolýy múmkin.
