Konferensııada sóz sóılegen Darhan Qydyráli Astanada ótetin Álemdik jáne dástúrli dinder kóshbasshylarynyń VIII sezi qarsańynda ótken kezdesýdiń erekshe máni bar ekenin atap ótti. Onyń aıtýynsha, halyqaralyq yntymaqtastyqty nyǵaıtý men dinder arasyndaǵy ózara túsinistik qaǵıdattaryn ilgeriletýde konferensııanyń mańyzy zor.
«Memleket basshysy dinaralyq dıalogqa, kelisim men ózara túsinistikke erekshe mán beredi. Bul baǵytta Álemdik jáne dástúrli dinder lıderleri Seziniń Hatshylyǵy men Parlament Senaty tarapynan aýqymdy jumys atqarylýda. Musylman aqsaqaldar keńesiniń qyzmeti de Qazaqstannyń rýhanı dıplomatııa salasyndaǵy baǵyt-baǵdarymen úndes bolyp otyr. О́zgermeli álemde rýhanı baǵdarlar men qasıetti muralardy saqtaý mańyzdy», dep atap ótti Darhan Qydyráli.
Konferensııaǵa qatysýshylar shara sońynda mundaı dıalog alańdary dinder arasyndaǵy senimdi nyǵaıtýǵa, qoǵamdaǵy toleranttylyq deńgeıin arttyrýǵa jáne turaqty beıbitshilik pen rýhanı kelisim úshin berik negiz qalyptastyrýǵa yqpal etetinine senim bildirdi.
