Komıssııa músheleri otandyq kınoındýstrııany damytýǵa jáne ulttyq qundylyqtardy nasıhattýǵa úles qosa alatyn áleýeti joǵary jobalardy tańdady.
Aıta keteıik, konkýrsqa anımasııa, derekti, kórkem fılmderi sanaty boıynsha 444 ótinim tirkelgen. Saraptama keńesiniń qaraýyna 357 joba joldandy. Baǵalaý nátıjesinde 128 ssenarıı men ssenarıılik jospar ekinshi kezeńge ótti. Bul kezeńde qatysýshylar tolyq qujattar paketin usyndy. Nátıjesinde 99 joba pıtchıngke joldama aldy.
9-12 maýsym aralyǵynda Almaty qalasynda konkýrstyq irikteýdiń eki kezeńinen sátti ótken kıno jobalardyń pıtchıngi ótti. Pıtchıng Kıno ortalyqtyń resmı YouTube arnasynda tikeleı efırde kórsetildi. Bul konkýrstyń ashyqtyǵy men ádilettiligine degen ustanymdy kórsetedi.
Iriktelgen jobalar tizimimen kelesi silteme arqyly tanysýǵa bolady.
Kınojobalardy qarjylandyrý týraly sońǵy sheshimdi Qazaqstan Respýblıkasy Mádenıet jáne aqparat mınıstrligi qabyldaıdy.
