Mańdaıaldy mehanızator

Taýdaı traktordyń gúril­dep otalǵanyn, júrgenin qy­zyqtaıdy. Júrgizip kór­gisi keledi. Meıir­ban áke mań­daıynan sıpap otyryp, «áli erte» deıdi. Aqyry degenine jetti. Jas kókiregindegi jasampaz arman oryndaldy. Qazir Aleksandr «Aıdos» aýyl sharýashylyǵy kásiporny» se­rik­­testiginiń mańdaıaldy meha­nı­zatorlarynyń biri.

– Ákem de osy sharýashylyqta mehanızator bolyp istegen, – deıdi Aleksandr. – Olardyń ju­mysymen salystyrǵanda bizdiń búgingi tirligimiz áldeqaıda jaqsy, jeńil. «Case Puma» tehnıkasy ónimdi jumys isteıdi. Sheteldik qýatty traktordyń ishi de jaıly, barlyq jumys kompıýter arqyly atqarylady. Tirkemeniń qandaı tereńdikte kele jatqandyǵyn kórsetip turady. Jerdi óńdegen kezde atjaldar da qalmaıdy. Sol sebepti alqapqa sińirilgen dán birkelki, qoıý bolyp ósedi. Traktordyń ishinde kondısıoneri bar. Bar jumys avtomatty túrde atqarylatyndyqtan, bizdiki baqylaý ǵana. Solaı bola tura, eńbektiń lázzatyn kórý degen óz aldyna bir bólek dúnıe. Qara topyraqqa sińirilgen dán kógerip, kóktep shyqqan kezde boıyńdy qýanysh sezimi bıleıdi. Alqapqa qarap turyp súısinesiń. Aqyq dán samal jelmen terbelgende kádimgi teńizge uqsaıdy. Osynyń bar­­lyǵy jer emshegin emgen meha­nızatorlardyń adal eńbegi. О́zim mektepten keıin Shýche qalasyndaǵy kolledjde oqyp, gazelektrdánekerleýshi maman­dyǵyn alǵan bolatynmyn. Odan keıin elimizdiń qarýly kúshteri qatarynda áskerı boryshymdy ótep keldim.

Soldat kıimin sheshkennen keıin ákesi balasynyń  bolashaǵyn oılaı kele, ózderi tútin tútetip jatqan Atameken aýylynda qalyp, mehanızator bol dep keńes bergen. Tosyrqaıtyndaı tosyn sharýa emes, bala kezinen  aýyl tirshiligine kóz qanyqtyrǵan. Keıipkerimizdiń aıtýyna qara­­ǵanda, sharýashylyqtyń jaǵ­daıy myǵym, jalaqylaryn ýaqytynda tóleıdi. Áleýmettik-turmystyq jaǵdaılaryna da kómek qolyn sozady. Naýqandyq jumys kezinde ýaqytpen sanas­paı eńbek etýge týra keledi. Etken eńbegine oraı jalaqy kólemi de óse túsedi. Aýylda qalyp el mereıin ósiremin deıtin jasqa budan artyq ne kerek?

Jas jigittiń tyndyrym­dy­lyǵyn kórgen seriktestik bas­shylary úı de satyp alyp beripti. Tabysty bolǵan soń jas shańyraqtyń tútini túzý usha bastaǵan.

– Adam úshin eń bastysy bas­pana ǵoı, – deıdi Aleksandr, – úıli bolǵanda tóbem kókke jetkendeı qýandym. Endi ózim­niń shaǵyn otanym – otbasym bar, qalǵany bola jatar.

Eldegi jastar ózderiniń týǵan jerinde tý tigip, adal eńbek etse dep armandaıdy Aleksandr. Sol kezde Atameken tárizdi talaı aýyldyń irgesi bekı túser edi.

Aqmola oblysy,

Býrabaı aýdany