Foto: primeminister.kz
Atalǵan qarajat jedel rekonstrýksııalaýdy qajet etetin dıametri 530 mm bolatyn 6,5 shaqyrym jylý jelilerin jóndeýge bólingen. Qalanyń jylý jelileriniń uzyndyǵy 123,8 shaqyrym. Magıstraldyq jylý jelisi 1968 jyly salynǵan jáne tozý deńgeıi 84,4%-dy quraıdy.
Úkimettiń baspasóz qyzmetiniń málimdeýinshe keleshekte «Energetıkalyq jáne kommýnaldyq sektorlardy jańǵyrtý» ulttyq jobasy sheńberinde 2025-2026 jyldary 5,8 mlrd teńge somasyna uzyndyǵy 9,5 shaqyrym, dıametri 820 mm bolatyn magıstraldyq jylý jelilerin rekonstrýksııalaý jónindegi jobany júzege asyrý josparlanyp otyr.
Atalǵan jumystardy júrgizý aldaǵy jylytý maýsymyna ýaqtyly daıyndalýǵa, kúrdeli apattardyń aldyn alyp, úılerge jylýdyń úzdiksiz berilýin qamtamasyz etýge múmkindik beredi.
Esterińizge salaıyq, Stepnogorsk qalasynyń halyq sany shamamen 46 myń adamdy quraıdy, kóp qabatty úıler sany – 316, áleýmettik nysandar – 65, basqa tutynýshylar – 342. Barlyq turǵyn úıler men nysandar ortalyqtandyrylǵan jylytýdy tutynýshylar bolyp canalady, jalpy maksımaldy jylý júktemesi – 175 Gkal.
