Astanada Elbasynyń qatysýymen áskerı parad ótýde

ASTANA. 7 mamyr. Astanada «Qazaq Eli» monýmenti alańynda Prezıdent – Joǵarǵy Bas qolbasshy Nursultan Nazarbaevtyń qatysýymen Otan qorǵaýshylar kúnine jáne Uly Jeńistiń 70 jyldyǵyna arnalǵan áskerı sherý ótýde. Bul týraly «QazAqparat» habarlady. Orasan zor áskerı paradtyń kórsetilimin qazaqstandyqtar respýblıkalyq telearnalardyń tikeleı efırinen, sondaı-aq, barlyq oblystardaǵy ortalyq alańdarda ornatylǵan LED-ekrandar arqyly kórýge múmkindik aldy. Sherýge 4 747 adam, 227 áskerı tehnıka, 70 áskerı áýe tehnıkasy jáne 24 sherý toby qatysýda. Áskerı sherý 3 bólimnen turdy: jaıaý sherý toptarynyń ótýi, mehanıkalandyrylǵan kolonnanyń ótýi jáne áýe sherýi. 24 sherý tobynyń 19-y – Qazaqstan Respýblıkaksy Qarýly Kúshterinen, onyń ishinde soǵys ýaqytynyń áskerı formasyn kıgen jáne qarýyn asynǵan (PPSh avtomattary, Mosın vıntovkalary, RPD jáne «Maksım» pýlemetteri) 3 jaıaý sherý toby boldy. Sondaı-aq, Ulttyq gvardııadan – 2, Tótenshe jaǵdaılar komıtetinen – 1, Ulttyq qaýipsizdik komıteti Shekara qyzmetinen – 1, Memlekettik kúzet qyzmetinen – 1 top qatysty. Jeke quramdaǵy 4 747 adamnyń 3 684-i – Qazaqstan Respýblıkasy Qarýly kúshterinen, 455-i – Ulttyq gvardııadan, 173-i – Tótenshe jaǵdaılar komıtetinen, 231-i – Ulttyq qaýipsizdik komıteti Shekara qyzmetinen, 204-i – Memlekettik kúzet qyzmetinen. Sharaǵa qatysyp jatqan jalpy áskerı tehnıka sany – 227 birlik. Qazaqstan Respýblıkasy Qarýly kúshterinen – 188 birlik tehnıka shyǵady. Onyń ishinde T-34 tankteri, ZIL-157 avtokólikteri, ZIS-2, M-30, RS30 «Katıýsha» qarýlary bar. Sondaı-aq, Ulttyq gvardııadan – 19, Ulttyq qaýipsizdik komıteti Shekara qyzmetinen – 13, Memlekettik kúzet qyzmetinen – 7 birlik tehnıka qatysady. QR Qarýly kúshterinen – 59 birlik, Ulttyq qaýipsizdik komıteti Shekara qyzmetinen – 6 birlik, Tótenshe jaǵdaılar komıtetinen – 5 birlik, jalpy sany 70 áýe tehnıkasy qatysýda. Elaman Qońyr. Derek: «QazAqparat». Sýret: vlast.kz.