Foto: Astana ákimdigi
Qala ákimdiginiń Sporttyq-buqaralyq is-sharalardy ótkizý dıreksııasynyń basshysynyń orynbasary Erjigit О́serbaıdyń aıtýynsha elordadaǵy ár aýdanda «Belsendi ómir súrý ortalyǵy» bar. Josparǵa sáıkes, ár sport túrinen turaqty túrde jarystar uıymdastyrylyp turady. Zeınetkerler bir emes, birneshe sportty da qatar alyp júrip, birshama jetistikterge qol jetkizip júr.
«Búgin shahmatty tańdadyq. Ortalyqtyń músheleri respýblıkalyq deńgeıdegi Senate Open týrnıriniń fınaldyq kezeńine deıin jetip jatady. Sondyqtan bas júldege degen talas óte joǵary. Budan bólek, velosherý, júgirý, skandınavııalyq júrý jáne t.b. sporttardy da uıymdastyramyz. Jalpy Astana turǵyndary salaýatty ómir saltyn qatty ustanady», dedi Erjigit О́serbaı.
Qala ákimdiginiń resmı saıtynyń málimdeýinshe týrnırdiń maqsaty – ardagerler arasynda salaýatty ómir saltyn nasıhattaý jáne zııatkerlik sport túrlerine degen qyzyǵýshylyqty arttyrý.
«О́zim 81 jastamyn. Áıtse de 2013 jyldan beri «Aqsaqaldar keńesin» qurýǵa atsalysyp, shahmat, doıby, toǵyzqumalaq jarystaryn múldem qaldyrmaı, belsendi túrde qatysyp kelemin. Tek qatysýshy retinde ǵana emes, uıymdastyrýshylardyń arasynda da júremin. Zeınetkerlerge nazar aýdaratyn, udaıy kóńil bóletin qala ákimdigine alǵysymdy aıtamyn», – dep jarys qatysýshysy Májıt Bekejanov oıyn bólisti.
Saıys sońynda, jeńimpazdarǵa «Alǵys hattar» men arnaıy syılyqtar tabystaldy.
