Redaksııa alqasynyń aldynda turǵan basty mindet – kóptomdyqtyń mátin materıaldaryn, kartalary men ıllıýstrasııalaryn túpkilikti saraptaý jáne bekitý, sondaı-aq ony betteýge, baspaǵa daıyndaý.
Basqosýda basylymnyń kóne dáýirge arnalǵan birinshi tomy qarastyryldy.
Alqa músheleri akademııalyq basylymnyń birinshi tomynyń jetekshisi, Á.H.Marǵulan atyndaǵy Arheologııa ınstıtýtynyń bas dırektory Aqan Ońǵarulynyń baıandamasyn tyńdap, usynylǵan materıaldyń tujyrymdamasyn, mazmuny men qurylymyn talqylady. Jıynda resenzentshiler Ulttyq ǵylym akademııasynyń akademıgi, tarıh ǵylymdarynyń doktory Jáken Taımaǵambetovtiń, tarıh ǵylymdarynyń kandıdaty, S.Toraıǵyrov ýnıversıtetine qarasty Á.H.Marǵulan atyndaǵy Arheologııalyq ǵylymı-zertteý ortalyǵynyń dırektory Vıktor Merstiń, Sh.Sh.Ýálıhanov atyndaǵy Tarıh jáne etnologııa ınstıtýtynyń aǵa ǵylymı qyzmetkeri Nursan Álimbaıdyń sarapshylyq pikirleri tyńdaldy. Sondaı-aq redaksııa alqasynyń basqa da músheleriniń oı-pikirleri ortaǵa salyndy.
Redaksııa alqasynyń kelesi otyrysy tamyz aıynda ótedi. Onda «Qazaqstan tarıhy: ejelgi dáýirden búginge deıin» atty akademııalyq basylymnyń ekinshi tomy talqylanady.
