Resmı derekke sensek, Baızaq aýdanynda búginde 40-qa jýyq mádenıet oshaǵy bar. Aldaǵy ýaqytta Aqjar, Aqsholaq jáne Bazarbaı aýyldarynda da mádenıet nysandary salynady dep josparlanǵan.
«Birligi men yntymaǵy jarasqan Myrzataı aýylynan elimizge tanymal, qaıtalanbas óner ıeleri shyqqan. Sol óner jolyn jańa aýyldyq klýbta tálim alyp jatqan jas urpaq laıyqty jalǵastyrady dep senemin. Memleket tarapynan da, jergilikti bılik tarapynan da mádenıet salasyna qoldaý tolastamaıdy», dedi óńir basshysy quttyqtaý sózinde.
Jańa klýbtyń qurylysy «Aýyl – El besigi» baǵdarlamasy aıasynda júzege asyrylyp, ony «Nık Taraz» JShS salǵan. Joba quny – 256 mln teńge. Nysanda 6 qyzmetker jumys isteıdi. Munda án, bı, mánerlep oqý úıirmelerimen qatar, «Asyl ájeler» toby da jumysyn bastady.
Buǵan deıin myrzataılyqtar mádenı-tanymdyq is-sharalardy aýyl ákimdigine japsarlas eski ǵımaratta ótkizip kelgen. Endi turǵyndar zaman talabyna saı jańa klýbtyń ashylǵanyna dán rıza.
«Aýylymyzda halyqtyń turmysyn jaqsartýǵa baǵyttalǵan úlken jumystar atqarylyp jatyr. Kóshelerimiz jaryqtandyrylyp, jol jóndeldi. Medısınalyq pýnkt salynyp, paıdalanýǵa berildi. Endi, mine, mádenıet úıi de boı kóterip otyr. Buǵan deıin aýylda jeke mádenıet oshaǵy bolmaǵan edi. Bul – turǵyndar úshin úlken qýanysh», deıdi aýyl turǵyny Orazbaı Dálibaev.
Jambyl oblysy,
Baızaq aýdany,
Myrzataı aýyly.
