Qujatqa sáıkes, endi ınternet arqyly rásimdelgen, kepilsiz tutynýshylyq nesıe somasy 150 AEK-ten (ıaǵnı 690 myń teńgeden) asqan jaǵdaıda, qarajat kelisimshartqa qol qoıylǵannan keıin 24 saǵat ishinde aýdarylmaıdy. Qarajat tek qaryz alýshy kelisimdi rastaǵan soń (mysaly, eGov portaly arqyly) ǵana beriledi.
Sonymen qatar "sýytý" nemese kidiris mehanızmi engiziledi. Eger bir kún ishinde azamat birneshe mıkrokredıt rásimdep, olardyń jıyntyq somasy 150 AEK-ten asyp ketse, bank nemese mıkroqarjy uıymy qosymsha nesıe berýdi toqtatýǵa mindetteledi.
Alǵash ret iri kólemde nesıe rásimdeıtinder úshin, sondaı-aq 21 jasqa deıingi jáne 55 jastan asqan azamattar úshin jańa talaptar engizilmek. Bul sanattaǵy azamattar nesıe shartyn tek banktiń nemese mıkroqarjylyq uıymnyń bólimshesinde jeke ózi qatysyp, jazbasha kelisim bergen soń ǵana qol qoıa alady.
Jańa jobada banktik nemese mıkroqarjylyq ombýdsmen laýazymyna úmitkerlerge de naqty talaptar belgilengen. Endi bul qyzmetke úmitkerler QAZTEST júıesi boıynsha qazaq tilin B2 deńgeıinen tómen emes deńgeıde meńgergenin dáleldeýi tıis.
