Foto: Ashq derekkóz
9–10 shilde kúnderi soltústikte, 10 shildede soltústik-batys, ońtústik jáne ońtústik-shyǵys óńirlerde qatty jańbyr, burshaq jáne daýyldy jel kútiledi. Tek respýblıkanyń batysynda soltústik-batys antısıklonynyń yqpalymen jaýyn-shashynsyz aýa raıy saqtalady. Elimiz boıynsha jeldiń kúsheıýi, al túngi jáne tańǵy ýaqyttarda soltústikte tuman túsýi yqtımal.
9–10 shildede elimizdiń batysy men ońtústik-batysynda kún qatty ysıdy. Aýa temperatýrasy 35–41°C deıin, soltústik-batysta 35–38°C deıin kóteriledi.
Soltústik óńirlerde túngi temperatýra 7–15°C, al kúndiz 20–27°C aralyǵynda bolady. Ońtústik pen ońtústik-shyǵysta temperatýra birtindep tómendeıdi. Qalǵan aımaqtarda temperatýralyq fon aıtarlyqtaı ózgermeıdi.
Buǵan deıin «Qazgıdromet» shilde aıyna arnalǵan keńes sıpatyndaǵy boljamyn usynǵan bolatyn. Sınoptıkterdiń málimetinshe, shilde aıynda elimizde turaqsyz aýa raıy saqtalady. Eldiń kóp bóliginde naızaǵaıly ótkinshi jańbyr, burshaq jáne qatty jel bolýy múmkin.
Ońtústikte óte qatty aptap ystyq kútiledi, keıbir aımaqtarda shańdy daýyldar bolýy yqtımal. Bul óńirlerde órt qaýipi joǵary deńgeıde saqtalady.
