Foto: aa.com.tr/ru/
Densaýlyq saqtaý mınıstrliginiń málimetinshe, sońǵy 24 saǵat ishinde Gaza sektoryndaǵy aýrýhanalarǵa 105 adamnyń máıiti men 356 jaraly jetkizilgen.
«Qaza tapqandar men zardap shekkenderdiń bir bóligi áli de qırandylar astynda jáne jedel járdem men azamattyq qorǵanys qyzmetteri jete almaı jatqan kóshelerde jatyr», delingen habarlamada.
Sondaı-aq Izraıl áskeri gýmanıtarlyq kómek taratý oryndarynda kezekte turǵan beıbit turǵyndarǵa da shabýyl jasaǵan. Bul shabýyldar saldarynan keminde 7 adam kóz jumyp, 74 adam jaralanǵan.
Palestına Densaýlyq saqtaý mınıstrliginiń dereginshe, 2023 jylǵy 7 qazannan beri Izraıldiń áskerı áreketterinen 57 523 adam qaza taýyp, 136 617 adam jaraqat alǵan.
Al 2025 jyldyń 18 naýryzynda Izraıl qaıta áskerı operasııa bastaǵannan beri 6 964 adam qaza taýyp, 24 576 adam jaralanǵan.
