Foto: Oqu-agartu ministrligi
Atalǵan baǵdarlama ishinde Aqtóbe oblysynda «Sıfrlyq tehnologııalardy paıdalana otyryp shaǵyn jınaqty aýyl mektepteriniń áleýetin damytý», Almaty oblysynda «Jaratylystaný-matematıkalyq baǵyttaǵy pánder boıynsha bilim berý sapasyn arttyrý», Mańǵystaý oblysynda «Otpan» tirek mektepteriniń jelisin damytý», Ulytaý oblysynda «Ustaz Ulytau» sııaqty óńirlik bastamalar iske asyrylyp jatyr.
Naqty ataǵanda, 2023 jyly Aqtóbe oblysynda 12 tirek mektep pen 134 shaǵyn jınaqty mektep, 2024 jyly Aqmola, Qostanaı, Pavlodar, Batys Qazaqstan, Soltústik Qazaqstan oblystarynda taǵy 10 tirek jáne 30 shaǵyn jınaqty mektep jobaǵa qatysqan.
Jobany júzege asyrý nátıjesinde mektepterdiń materıaldyq-tehnıkalyq bazasy jańartylyp, zamanaýı pándik jáne sıfrlyq kabınettermen jabdyqtaldy, sondaı-aq, jyldamdyǵy joǵary ınternetpen qamtamasyz etý sheshimin tapqan.
2025–2026 oqý jylynda taǵy 1600 aýyl mektebi qosylady dep josparlanyp otyr.
Oqý-aǵartý mınıstrliginiń baspasóz qyzmetiniń habarlaýynsha jobanyń mańyzdy tusynyń biri – onlaın oqytý. Oqýshy men muǵalim sany az aýyl mektepterinde matematıka, fızıka, hımııa, bıologııa, aǵylshyn tili pánderinen onlaın sabaqtar ótkiziledi.
«Keıbir aýyl mektepterinde bir muǵalim birneshe pánnen sabaq berip júr. Jańa jobanyń arqasynda tirek mektepteriniń ustazdary shaǵyn jınaqty mekteptegi oqýshylardy onlaın oqytady, ıaǵnı ár pánnen óz isiniń bilikti mamany dáris beredi. Bul balalardyń bilim sapasyn jaqsartyp qana qoımaı, aýyl muǵalimderiniń de kásibı biliktiligin arttyrýǵa múmkindik beredi», dedi Y.Altynsarın atyndaǵy Ulttyq bilim akademııasynyń prezıdenti Nazıpa Aıýbaeva.
Sonymen qatar ádistemelik qoldaý turǵysynda muǵalimderge sıfrlyq saýattylyq kýrstary oqytylady, tehnologııalardy qoldaný men oqý baǵdarlamalaryn aýyl mektepterine beıimdeý boıynsha trenıngter ótkiziledi. Búginge deıin uıymdastyrylǵan 10-nan astam respýblıkalyq is-shara aldaǵy ýaqytta da jalǵasady.
