Foto: Aqorda
Kezdesý barysynda Qazaqstannyń óńirde táýelsiz Avıasııa ákimshiligin qurǵan alǵashqy el ekeni atap ótildi. Bul qadam ushý qaýipsizdigine baqylaýdy aıtarlyqtaı kúsheıtýge múmkindik berdi. О́tken jyldan beri Monreal qalasynda Qazaqstan Respýblıkasynyń ICAO janyndaǵy Turaqty ókildiginiń keńsesi jumys isteı bastady.
Halyqaralyq áýe tasymaldarynyń geografııasy keńeıip keledi. Búginde Qazaqstan álemniń 30-dan astam elimen tikeleı áýe qatynasyn jolǵa qoıdy. Nıý-Iork, Tokıo jáne Sıngapýr qalalaryna reıster ashý máselesi pysyqtalyp jatyr.
Qazaqstan Prezıdenti byltyr Almaty, Shymkent jáne Qyzylorda qalalarynda jańa termınaldar paıdalanýǵa berilgenin aıtty. Sonyń ishinde Almaty áýejaıynyń ótkizý qabileti alty ese, ıaǵnı, jylyna 2,5 mıllıonnan 14 mıllıon jolaýshyǵa deıin ulǵaıdy.
Sonymen qatar Memleket basshysy Qazaqstan men ICAO arasynda qol qoıylatyn azamattyq avıasııa bas josparynyń mańyzyna toqtaldy. Atalǵan qujat avıasııa sektoryn uzaqmerzimdi damytý strategııasy retinde qarastyrylady.
О́z kezeginde ICAO keńesiniń prezıdenti elimizdiń azamattyq avıasııa salasyndaǵy jetistikterimen quttyqtady. Ol Qazaqstanda avıasııa qarqyndy damyp, ornyqty ósim kórsetip otyrǵanyna jáne naqty qurylymy jasaqtalǵanyna nazar aýdardy.
Sonymen qatar Qasym-Jomart Toqaev avıasııa salasyndaǵy halyqaralyq yntymaqtastyqty damytý men nyǵaıtýǵa qosqan úlesi úshin Salvatore Shakkıtanony I dárejeli «Dostyq» ordenimen marapattady
