Foto:
QR Saýda jáne ıntegrasııa mınıstrliginiń habarlaýynsha, bul jańa tarıftik sharalar Qazaqstan ekonomıkasy úshin eleýli qaýip tóndirmeıdi. О́ıtkeni, Amerıka Qurama Shtattaryna Qazaqstan tarapynan jetkiziletin negizgi eksporttyq ónimder — munaı, ýran, kúmis, ferroqorytpa, tantal jáne tıtan sekildi strategııalyq mańyzy bar shıkizat túrleri jańa baj salyǵynan bosatylǵan.
«Qabyldanǵan sharalar Qazaqstan eksportynyń shamamen 95 paıyzyna áser etpeıdi dep kútiledi. Qazaqstandyq taýarlarǵa boljamdy saýda rejımin saqtaý maqsatynda QR Úkimeti AQSh ákimshiligine ózara saýda sharttaryn jaqsartý jónindegi naqty sharalar men bastamalardy joldady. Qazaqstan maqsaty — naryqqa qol jetkizý jáne saýda sharttary máseleleri boıynsha kelisilgen sheshimder qabyldaý», delingen habarlamada.
Aıta keteıik, qazir AQSh tarapy Qazaqstannyń usynystaryn muqııat qarastyrý ústinde. Kelissózder ótkizý merzimi qosymsha jarııalanady. Qazaqstan jaǵy bul úderisterge belsendi qatysýǵa jáne ulttyq múddelerdi qorǵaýǵa daıyn ekenin resmı túrde málimdedi.
