- Bakýde shahmattan jas órender arasynda ótken Álem kýboginde jerlesterimiz eki ret jeńis tuǵyryna kóterildi. 8 jasqa deıingi oıynshylar saıysynda Alısha Baısalıeva aldyna jan salmaı, altynnan alqa taqty. Ol fınalda reseılik Varvara Volkovany utty. Dál sol jastaǵylardyń jarysynda Ádınur Ádilbek qola júldege qol jetkizdi. Úshinshi oryn úshin tartysta qandasymyz Reseıdiń taǵy bir ókili Bagdan Kalınındi qapy qaldyrdy.
- Italııanyń Lonato-del-Gardeda qalasynda stend atýdan álem kýbogi bastaldy. Jarysqa 73 memleketten kelgen 500-den astam mergen qatysady. Dúbirli dodada elimizdiń týy astynda Asylhan Aısalbaev, Bogdan Konchenko, Nıkıta Moıseev, Mark Pochıvalov, Anastasııa Prılepına, Aıjan Dosmaǵambetova, Maksım Pochıvalov, Olga Haılova, Anastasııa Molchanova, Olga Panarına, Dıana Sábekova, Ádel Sadaqbaeva, Ilıa Penkov, Danıl Strelsov, Edýard Eshenko syndy sportshylar baq synaıdy.
- Bokstan Olımpıada, álem chempıony Danııar Eleýsinov kásipqoı rıngtegi kelesi jekpe-jegin 19 shildede Vashıngtonda ótkizedi. AQSh astanasynda ol Djeıms Beıkonmen aıqasady. 30 jastaǵy Fılıppınniń ókili 31 kezdesýdiń 26-synda jeńiske jetip, beseýinde utyldy. Bul – Danııar úshin UFC-diń prezıdenti Dana Ýaıt pen Saýd Arabııasynyń sport basqarmasynyń basshysy Týrkı ál-ash Sheıh jetekshilik etetin «TKO Boxing» kompanııasymen kelisimshart jasasqannan keıingi alǵashqy báseke.
- Fýtzaldan kelesi jyldyń 20 qańtary men 7 aqpany aralyǵynda Slovenııa, Latvııa, Lıtvada ótetin Eýropa chempıonatynyń irikteý týrnıriniń pleı-off saıysynda elimizdiń quramasy Italııamen kúsh synasady. Bul kezdesý 15–24 qyrkúıek aralyǵynda uıymdastyrylady.
