Foto: Ashyq derekkóz
Mınıstrliktiń málimetinshe, 2024 jylǵy 1 qańtardan bastap sý salasy qyzmetkerleriniń jalaqysy 25 paıyzǵa ósip, orta eseppen 204 myń teńgeni qurady (burynǵysy — 163 myń teńge).
«Bul rette Mınıstrlik 2024 jylǵy jeltoqsannan bastap sý salasy qyzmetkerleriniń jalaqysyn arttyrýǵa qatysty «Tabıǵı monopolııalar týraly» QR Zańyna ózgeris pen tolyqtyrý engizý boıynsha jumys júrgizýde. Atap aıtqanda, memlekettik organdarmen, akkredıttelgen uıymdarmen, «Atameken» UKP-men jáne barlyq múddeli tulǵalarmen kelisilgen tıisti túzetý ázirlendi. QR Úkimetiniń oń qorytyndysy alyndy», delingen habarlamada.
Sondaı-aq, bıylǵy naýryz aıynda Májilis depýtattary maquldaǵan «Akvamádenıet máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zań jobasy Senat qaraýyna joldandy. Atalǵan túzetýler qabyldanǵan jaǵdaıda, 2025 jyldyń ekinshi jartyjyldyǵynan bastap sý salasy qyzmetkerleriniń jalaqysy taǵy 50 paıyzǵa ósip, 305 myń teńgege deıin jetedi.
