Asyq oınaǵan ozar

Astanada Aqparat jáne baılanys qyzmetkerleriniń kúni merekesine oraı «Qazkontent» aksıonerlik qoǵamynyń uıymdastyrýymen BAQ ókilderiniń arasynda asyq atýdan jarys ótti. Oǵan «Egemen Qazaqstan» jáne «Kazah­stanskaıa pravda» respýb­lıkalyq gazetteri, «Ortalyq kom­mý­nı­kasııalar qyzmeti» RM, «Qazaq­­stan» ulttyq telearnasy, Bas re­daktorlar klýby, «Qaz­Aq­parat» halyqaralyq aqparat­tyq agenttigi, «Astana» telearnasy men «Qaz­kontent» aksıonerlik qoǵa­my komandasy qatysty. Jarysta erler «bes taban» oınasa, qyzdar «bes asyq» (bes tas) oıy­ny boıynsha synǵa tústi. Jal­py, jarys óte tartysty, qyzyqty ótti. Erler ózara olımpııalyq júıe boıynsha mergendikterin synasa, qyzdar «bes asyqtyń» sheberin anyqtady. Sóıtip, eki saǵatqa sozylǵan saıysta asyq atýdan birinshi oryndy «Astana» telearnasy jeńip aldy. Olar fınalda «Ortalyq kommýnıkasııalar qyzmeti» komandasynan basym tústi. Úshinshi orynǵa quramynda osy joldardyń avtory men Almas Manapov, О́rken Musabek jáne Aqmaral Kashkova bar «Egemen Qazaqstan» komandasy ıe boldy. Qazaq baspasóziniń qara shańyraǵy atalyp ketken aǵa gazettiń komandasy qola júlde úshin oıynda «Qazaqstan» arnasy ji­git­terimen kezdesip, jeńiske jetti. Qyzdar arasynda ótken «Bes asyq» oıynynda «QazAqparat» agenttiginiń jýrnalısi Saıa Jaryl­qasyn birinshi oryndy jeńip aldy. Ekinshi oryndy «Qazkontent» AQ-tyń, úshinshi oryndy «Qazaqstan» telearnasynyń ókilderi ıelendi. «Asyq atý» týrnırine «Erke-Nur» toby óner kórsetip, jurtshy­lyqqa bıden shashý shashty. Qazaq­stan Dızaınerler odaǵynyń múshe­si Aıdarhan Qalıevtiń «ASPARA» saýda belgisi úshin «Uly Dalanyń Qaýyrsyndary» atty jańa kıim úlgi­leri tanystyryldy. Ol «neo-folklor» stıli, kóshpendilerdiń kıim tigý óneri men dástúri jáne «Jaz – 2015» maýsymynyń sán úlgi­si tendensııalarynyń negizinde jasaldy. Ony «Qazkontent» AQ-tyń túrli jobalarynda qyzmet etetin qyz-kelinshekter kıip shyǵyp, sán úlgi­sin kórsetti. Jarys sońynda kýbok ıegeri men júldegerler syılyqtarmen marapattaldy. «Asyq atý» respýblıkalyq fe­­de­­­ra­sııasynyń prezıdenti, «Qaz­kon­­tent» AQ Basqarma tór­aǵasy Aıdos Qydyrmanyń aıtýynsha, astanada alǵash ret asyq atýdan jarysty ótkizýdegi basty maqsat – jas býyn arasynda ulttyq oıynymyzdy nasıhattaý, ult­tyq sportty damytý jáne halyqty salamatty ómir saltyna shaqyrý. Qazirgi kezde elimizde asyq oıynynan 73 seksııa bar. «Asyq atý» federasııasynyń atqarýshy dırektory, QR eńbek sińirgen jat­tyqtyrýshysy, «Qurmet» orde­ni­niń ıegeri Jomart Sabyr­jan­ov­tyń aıtýynsha, aldaǵy ýaqyt­ta ­8 obl­ystan ortalyqtar ashylady. «Jaqynda federasııa Qostanaıda asyq atýdan Qazaqstan chempıonatyn ótkizedi. Sodan keıin Astana kúnine oraı halyqaralyq jarys uıym­dastyrylady. Oǵan Moń­ǵolııa, Qyrǵyzstan, Tájikstan koman­dalary qatysady. Bul elderde asyq atý jaqsy damyǵan. Mońǵolııa men Ortalyq Azııa elderinde sport sheberi, sport sheber­ligine úmitker degen sııaqty dáre­jelik ataqtar, sertıfıkattar beriledi. Mundaı tájirıbe bizdiń elge de kerek. Aldaǵy kezde mergenderdiń dárejesin arttyrý úshin sporttyq ataq berý josparymyzda bar», – deıdi ol. Dastan KENJALIN, «Egemen Qazaqstan».