Foto: ortcom.kz
Jıyn barysynda taraptar óńirlik týrızmdi damytýdyń ózekti máselelerin talqylap, tájirıbe almasý, birlesken týrıstik baǵyttardy damytý, týrıstik ınfraqurylymdy jetildirý jáne salany sıfrlandyrý baǵytynda yntymaqtastyqty odan ári kúsheıtýge nıetti ekendikterin bildirdi.
Mańyzdy kezdesýde Qytaıdaǵy Qazaqstan týrızm jylynyń qorytyndysyna aıryqsha nazar aýdaryldy. Atalǵan bastama aıasynda 37 iri is-shara uıymdastyrylyp, Qytaıdyń jetekshi týrıstik kompanııalarmen 200-den astam kelisimge qol qoıyldy. Sonyń nátıjesinde Qytaıdan Qazaqstanǵa kelgen týrıster sany 78%-ǵa artty.
«Týrızm – ShYU elderi arasyndaǵy gýmanıtarlyq baılanystardyń ajyramas bóligi. Basym baǵyttar retinde birlesken marshrýttar ázirleý, vızalyq rásimderdi jeńildetý, salany sıfrlandyrý, joǵary deńgeıdegi qyzmet kórsetý men týrızmniń turaqty damýyn qamtamasyz etetin bilikti kadrlar daıarlaý mindetteri aıqyndalǵan», dedi TSM Týrızm ındýstrııasy komıteti tóraǵasynyń orynbasary Aıdyn Qapashev.
Jıyn qorytyndysy boıynsha ShYU-ǵa múshe memleketterdiń týrıstik saıasatyn úılestirý jáne ózara is-qımyldy tereńdetýge baǵyttalǵan hattamaǵa qol qoıyldy.
