Kanadalyq ınvestorlar

Qazaqstanda aýrýhanalar men emhanalar salýǵa daıyn

«InterHealth Canada» kompanııasy elimizdiń ońtústiginde emhanalar men aýrýhanalar salýǵa daıyn. Bul týraly Respýblıkalyq densaýlyq saqtaýdy damytý orta­lyǵynyń (RDSDO) ókilde­rimen kezdesýde kanadalyq kompanııanyń basqarma múshesi Emad ál-Sýker málimdedi. Kanadalyqtardyń esebinshe, Ońtústik Qazaqstanda medı­sı­­­na­lyq qyzmetterge suranys joǵary bolyp otyr jáne ol arta túsedi. Emdeý mekemesiniń qury­lysyn memleket-jekemenshik seriktestigi sheńberinde salý josparlanǵan. Qurylystyń bastalý merzimi men ınvestısııa kólemi ázirge jarııalanǵan joq. Taraptar sondaı-aq, keıbir aýrýhanalardy senimdi basqarýǵa berý múmkindigin qarastyrdy. «Nysandy senimdi basqarýǵa be­rerden buryn jergilikti atqa­rý­shy organdar ókilderimen bir­le­sip, aýrýhanalar men emhana­lardyń qandaı jaǵdaıda ekenin zertteımiz. Shamamen bir jyl ishin­de ny­san­dardy ınvestorlarǵa berý má­se­lesi sheshilýi tıis», dedi RDSDO Inves­tısııalyq jobalar ortaly­­ǵynyń jetekshisi Oljas Sákenov. Aýrýhanalardy basqarýdy jeke­menshik ınvestorlarǵa bergen jaǵdaıda tegin qyzmetter kór­setý kólemi tolyq saqtalady. Kana­dalyqtar medısınalyq uıymdardyń jumys nátıjesin jaqsartqan jaǵ­daıda ǵana ­qa­­zaq­standyq klını­kalardy bas­qa­ra alady. Shetel­dik menedjer­ler bilimderimen, tájirıbele­ri­men bólisip, medı­sınalyq qyzmetterdiń sapasyn arttyrýdy josparlap otyr, dep habarlady Densaýlyq saqtaý jáne áleýmettik damý mınıstrliginiń baspasóz qyzmeti.