Foto: Ashyq derekkóz
Onyń aıtýynsha, 2002 jyldan bastap 11 jeke menshik jáne arnaýly orta bilim berý mekemesine – «Aq nıet», «Elko», «Lıder», «Araı», «Magıstr», «Senim», «Kásipkerler mektebi», «Kógildir jelken», «Teremok», «Aıgerim» jáne Almaty menedjment jáne servıs kolledjine 10 balabaqsha men bir kombınattyń ǵımaraty jalǵa berilgen.
2020 jyldyń mamyrynda qala ákimdigi atalǵan nysandardy jeke uıymdardan birtindep qaıtarý týraly sheshim qabyldaǵan bolatyn. Al 2023 jylǵy maýsymda «Araı» men «Senim» mekemelerine ǵımarattardy bosatý týraly resmı habarlama jiberilip, shilde aıynda jalǵa alý sharttary toqtatylǵan. Degenmen eki uıym da nysandardy bosatýdan bas tartqan.
«Almaty qalasynyń Memlekettik aktıvter basqarmasy Almaty qalasynyń Mamandandyrylǵan aýdanaralyq ekonomıkalyq sotyna talap aryz berip, sot talapty qanaǵattandyrdy. Sottyń sheshimine qaramastan, «Araı» men «Senim» mekemesiniń qyzmetkerleri bul nysandarda áli otyr. Almatydaǵy Ádilet departamentine olardy májbúrlep shyǵarý materıaly tapsyryldy. «Araı» mekemesi ǵımaratty 2025 jylǵy 1 qyrkúıekke deıin bosatýdy keıinge shegerýin suraǵanymen, 3 shildede ótken sot oǵan kelisken joq. Quqyqtyq rásim aıasynda 2025 jylǵy 14 pen 15 shildede Almaty qalasynyń Ádilet departamenti jańaǵy mekemelerdi nysannan shyǵara bastamaq», dedi Jantóre Aıtjanov.
Aıta keteıik, buǵan deıin de Almatyda quny 2,6 mıllıard teńge bolatyn Baspalar úıi memlekettik menshikke qaıtarylǵan bolatyn.
