Sınoptıkterdiń boljamy boıynsha, batysta aptap ystyq bolady. Elimizdiń batysynda joǵary qysym órisiniń áserinen aýa raıy ystyq jáne shýaqty bolady, al Qazaqstannyń qalǵan aýmaǵynda atmosferalyq frontaldy bólikterdiń jyljýy saldarynan naızaǵaı oınap, jańbyr jaýady.
Elimizdiń ortalyǵynda, 10-11 shildede ońtústik-shyǵysta, 11-12 shildede elimizdiń soltústiginde, shyǵysynda nóser jańbyr jaýyp, burshaq túsedi, daýyl turady. Respýblıka boıynsha ortaq tabıǵı qubylys - jeldiń ekpin alýy.
Kúndiz respýblıkamyzdyń batysynda, ońtústik-batysynda 40-44 gradýs qatty ystyq bolady. Soltústik óńirde kúndiz temperatýra 22-27-den 17-23 gradýsqa deıin tómendeýi múmkin.
Shyǵysta temperatýranyń negizgi fony - 20-28 gradýs ystyq. Ońtústikte synap baǵany birtindep 25-37-den 38-43 gradýsqa deıin kóteriledi. Elimizdiń ońtústik-shyǵysynda kúndiz synap baǵandary 25-30 gradýsqa deıin jetedi.
