Ornyqty jospar óristi keńeıtti

О́ńirde osy baǵytta 2024–2029 jyldarǵa arnalǵan óńirlik keshendi jospar bekitilgen. Jospardaǵy jumystar aıasynda bıýdjet qarajatynan bólek, kásipkerler demeýshiligimen oıyn, sport alańdary, dema­lys oryndary qaıta jańǵyrty­lyp, turǵyn úıler men áleý­mettik nysandar zamanaýı úlgide jóndeýden ótkizilip keledi. Demeýshi jumsaǵan 1 mlrd teń­ge­ge qaladaǵy ortalyq alań adam tanymastaı ózgerip shyǵa keldi. Qazir kesh bata qa­lalyqtar sol alańǵa qaraı aǵylady. Bıyl qalalyq mádenı-demalys parki men Prezıdent saıabaǵy qolǵa alyndy. Aýdan ortalyqtaryn­da da kásipkerler kómegimen jańa alleıalar salynyp, kósheler keńeıip, jurt demalatyn alań­dar kóbeıip keledi.

Jýyrda ǵana «Taza Qazaq­stan» ekologııalyq aksııasy­nyń iske asyrylý barysy tal­qylanǵan májiliste aımaqta ja­salǵan sanıtarlyq tazalyq ju­mystary bólinisiniń qory­tyn­dysy aıtyldy. Osy arqy­ly áleýmettik, kásipkerlik ny­san­dardyń qasbetin qalypqa keltirý, kóshe, jol boıy taza­ly­ǵyn qamtamasyz etý, jol bel­gilerin túzetý jumystary júıe­lenip keledi. Mekemelerdiń ta­zalyǵy, abattandyrylýy, ta­lapqa saı bolýy ár aýmaqqa bekitilgen sala basshylarynyń jaýapkershiliginde. Ásirese ha­lyq kóp shoǵyrlanatyn temir­jol men avtovokzaldar aınalasy turaqty qadaǵalanady.  Tazalyq qalaǵa kirer qaqpa sanalatyn osy oryndardan bastalýy kerek.

Jyl saıynǵy «Úlgili eldi meken» baıqaýy sheńberinde keıingi eki jylda úzdik atanǵan eldi mekenderge 48 arnaıy tehnıka tabystalypty. Budan bólek, kommýnaldyq, abattandyrý mekemelerine 142 arnaıy tehnıka satyp alynyp, el ıgiligine qyzmet etip jatyr. Turǵyndardy ekologııalyq kólik qyzmetimen qamtamasyz etý maqsatynda 100 jańa elektrmobıl alynyp, olarǵa elektr qýatyn beretin 16 beket salyndy.

Ortaq isten qalys qalyp jat­qandar joqtyń qasy. Ár sen­bide tazalyqqa jumylǵan jurt kóshe tazalap, basqalarǵa úlgi bolyp júr. Qala men kentterde qarapaıym turǵyndar ara­synan ortaq iske úles qos­qandardyń kóbeıgeni Memleket basshysy bastamashy bolǵan «Taza Qazaqstan» aksııasynyń el arasynda qoldaý tapqanyn kórsetedi.  

Qoǵamdyq tártipti baqylaýda da aınalasyn lastaýshylarmen kúres kúsheıe tústi. Jergilikti ákimdik bastamasymen oblystyq polısııa, tótenshe jaǵdaılar departamentteri dron kómegimen oqys oqıǵalardy, tótenshe jaǵ­daılardy monıtorıngileý ar­qyly taldaý jumystaryn jańa deńgeıde júrgizýdi qolǵa aldy. Osy baǵyttaǵy úshjaqty memorandým óńirdiń tabıǵı, mádenı baılyǵyn saqtaýda halyqtyń mádenı deńgeıin arttyrýǵa múmkindik beredi. Odan bólek ákimdikter janyndaǵy mobıldi top ókilderi de qala men kentter tazalyǵyna baılanysty reıdter uıymdastyryp keledi.

Memleket basshysynyń eldi mekenderde 15 mıllıon aǵash otyrǵyzý tapsyrmasyna sáıkes Qyzylorda oblysynyń eldi mekenderin kógaldandyrýdyń jáne jasyl aımaqtar qurý­dyń 2021–2025 jyldarǵa arnal­ǵan óńiraralyq jospary boıynsha 2021–2024 jyldary 718,1 myń jersindirilgen kóshet otyrǵyzyldy. Bıyl kóktemde­­ olardyń qataryna 240 myń kóshet qosyldy.

О́ńirdegi tazalyq sharalaryna 138 myńnan asa turǵyn qatysyp, eldi mekenderdegi 428 skver men saıabaq, 186 tarıhı-mádenı eskertkish, 863 áleýmettik nysan, kósheler boıy tazartyldy. О́zender, kólder, jasandy sý aıdyndary, sýburqaqtar men aryqtardy tazalaǵandardyń da eńbegi bir tóbe.

QYZYLORDA