Ofıserler

maıdanger atalary týraly jylnama jazýǵa ázir QR Qarýly Kúshterinde Je­ńistiń 70 jyldyǵyna oraı­lastyrylǵan «Máńgi esimizde» atty aksııa bastaldy. Ol Uly Otan soǵysynyń urys dalasynda erlikpen shaıqasqan týǵan-týystary, tanystary týraly derektermen bóliskileri keletin áskerı qyzmetshilerdiń bastaryn  biriktirip otyr. Aksııaǵa alǵashqy bolyp qaty­sýshylardyń biri maıor Rýs­lan Darmahanov óziniń atasy Ha­lılýlla Darmahanuly: «Mıno­met batareıasynyń vzvod koman­dıri bola turyp, meniń atam armııa generaly  Saǵadat Nurma­ǵambetovtiń qaramaǵynda bolyp­ty. Stalıngrad shaıqasyna qatys­qan. Men atamnyń aramyzda aman-esen júrgenine qýanamyn jáne soǵys jaıly sabaqtaǵan áńgi­melerinen beıbitshilik, qurmet, dostyq ornaǵan memlekette turý­dyń qadirin túsinemin», deıdi Aksııaǵa taǵy da bir qatysýshy podpolkovnık Erjan Áldibaev aǵasy jaıly: «Aǵamnyń maıdanǵa 1941 jyly ketkenin bilemin. Atqyshtar vzvodynyń komandıri bolǵan.1945 jyldyń qańtar aıynda Varshava túbindegi shaıqasta qaza tapty. Men aǵamnyń maıdan shebinen jazǵan hattaryn oqyp,  sheksiz maqtan tutamyn.  Sondyqtan da óz ómirimdi áskermen baılanystyryp, Qazaqstan Qarýly Kúshterine adal qyzmet etip ke­lemin. Jan túrshigerlik soǵysqa árbir qatysýshynyń eren erligi týraly estelikke eshqandaı baǵa jetpeıdi», dep eske alady. «Máńgi esimizde» aksııasy ózimiz úshin soǵystyń jańa batyrlaryn ashýǵa, olardyń tarıhymen, taǵdyrymen tanysýǵa úlken múmkindik beredi. Uly Otan soǵysynyń beınesi tarıhı derekterden, soǵys ardagerleriniń, olardyń týystary men tanys­tarynyń áńgimelerinen, maıdan­nan kelgen hattar men kúndelik­terden jınalǵan derekterden qu­ralady. Aksııa sheńberinde jı­nalǵan sýretter bir úlken mozaıka-sýretke aınalady. Olar bannerlerge ­basylyp shyǵarylyp, búkil Qa­zaq­stan boıynsha áskerı bólim­der­ge taratylady jáne Astana qalasynda áskerı qyzmetshilerdiń qatysýymen sal­tanatty túrde nazarǵa usy­nylatyn bolady.   «Egemen-aqparat».