Fotolar: Májilistiń baspasóz qyzmeti
Bıyl sáýir aıynda qor prezıdenti Elena Frolova depýtatqa osy másele boıynsha júgingen bolatyn. Onyń aıtýynsha, arnaýly áleýmettik qyzmetterdi lısenzııalaý máselesi bir jyldan beri kún tártibinde turǵanymen, qorǵa qarjy túspegen.
«Arnaıy qyzmetter» termınin qoldanbaı, áleýmettik jobalar aıasynda qyzmetti júzege asyrýǵa bolady. Ortalyq 50 balaǵa deıin qoldaý kórsetedi, biraq qarajattyń joqtyǵynan biz qyzmetterdi qysqartýǵa, mamandardy jalaqysyz demalysqa jiberýge, ata-analardan tólem alýǵa májbúrmiz, bul olarǵa óte qıyn», dedi qor basshysy E.Frolova.
Materıaldyq-tehnıkalyq bazaǵa, medısınalyq qural-jabdyqtarǵa, personalǵa qoıylatyn talaptar balalarmen jumys isteýdiń áleýmettik-pedagogıkalyq erekshelikterine qaramastan medısınalyq mekemelerdiń talaptarymen birdeı. Bul úkimettik emes uıymdardyń jumysyn qıyndatady.
«О́rken» qory múmkindigi shekteýli balalardyń damýyna kómektesip, naqty nátıje kórsetip otyr. Bir apta bolsa da sabaqty toqtatý balanyń damýyna keri áser etedi. Talaptar qısyndy bolýy kerek, áıtpese ómirlik mańyzy bar bastamalardan aıyrylyp qalamyz. Biz bul máseleni baqylaýda ustap, tıisti mınıstrlikpen sheshý joldaryn qarastyramyz», dedi depýtat D.Naýmova.
Sonymen qatar ol zorlyq-zombylyqtan zardap shekken áıelder men balalarǵa arnalǵan daǵdarys ortalyǵynda boldy. «Asem clinic» jeke emhanasynyń medısına qyzmetkerlerimen kezdesip, kadr tapshylyǵy men qural-jabdyqtar máselesin talqylady.
«Shymkent – qoldaýdy qajet etetin jandardyń talap-tilegin únemi estıtin qala. Bul sapar da sonyń biri deýge bolady. Biz barlyq ótinishti jazyp aldyq. Keıbiri tıisti vedomstvalarǵa joldandy, keıbiri Májilis deńgeıinde qaralatyn bolady», dedi depýtat saılaýshylarmen kezdesýde.
