Jarys kúndeligi

Ońtústik Koreıanyń Chhýnchhon qalasynda taekvondodan komandalyq álem kýbogi ótip jatyr. Jartylaı fınalǵa deıin esh kedergisiz jetken elimizdiń erler quramasy osy mejede alań ıelerine jol berdi. Qola medal úshin tartys­ta jerlesterimiz Marokkony utty. Áıelder quramasy shırek fınalda Qytaı sportshylarynan utyldy.

Almatyda taekvondodan el kýboginiń ekinshi kezeńi aıaqtaldy. Jarysta myna sportshylar jeńimpaz atandy, erler: 58 kg – 1. Áziret Dúısenbek (Túrkistan), 63 kg – Eldos Ysqaq (Jambyl oblysy), 68 kg – Ánýar Muhametkári­mov (Astana), 80 kg – Damır Shúlenov (Almaty), 87 kg – Beıbarys Qablan (Almaty oblysy); áıelder: 49 kg – Botakóz Qapanova (Qyzylorda), 53 kg – Aıdana Súndetbaı (Almaty oblysy), 67 kg – Nuraı Qusaıynova (Atyraý), 73 kg – Nazym Mahmutova (Túrkistan), 87 kg – Marııa Sevostıanova (Atyraý oblysy).

Fýtboldan elimiz premer-lıgasynyń 15-týry myna­­daı nátıjelermen aıaq­tal­dy: «Aqtóbe» – «Atyraý» 2:0, «Elimaı» – «Tobyl» 2:3, «Qaırat» – «Turan» 4:0, «Qy­zyl­jar» – «Ordabasy» 0:0, «Jeńis» – «Ulytaý» 2:0, «Jetisý» – «Astana» 0:2, «Oqjetpes» – «Qaı­­sar» 4:2. Jarys kestesinde «Astana» men «Qaırattyń» jaǵ­daıy jaqsy. Elordalyq­tar
37 upaı­­dy enshilese, alma­ty­lyq­tar­dyń basty qar­sylasynan bir upaıy kem. Kósh sońyndaǵy «Aty­raýdyń» jaǵdaıy óte músh­kil, olardyń nebári 5 upaıy bar.

25-27 shilde aralyǵynda Ulanbatyrda «Grand Slam» týrnıri ótedi. Jarysta eli­mizdiń namysyn 10 dzıýdoshy qorǵaıdy. Erler báseke­sinde Áljan Nurádil, Talǵat Orynbasar (60 kg), Baýyrjan Narbaev, Erjan Erenqaıypov (66 kg), Saıat Seıitqalıev (73 kg), Meıirjan Jumabek (81 kg), Ermahan Ánýarbekov (90 kg), Beıbit Medeev (100 kg) baq synasa, áıelder saıysynda Tolǵanaı Ábeýova (52 kg) men Arýna Jankeldına (70 kg) beldesedi.