Mánerlep syrǵanaýdan Sochı Olımpıadasynyń qola júldegeri Denıs Ten qazaqstandyqtarǵa ózi sýretke túsirgendi unatatynyn jetkizdi. Tipti Instagram jelisinen akkaýnt ashyp, qorjynyndaǵy qyzyqty sýretterin jarııalap ta qoıǵan.
Sportshynyń aıtýynsha, ol burynnan beri sýretke túsirýmen aınalysady eken. «Sýretti jáne ónerdiń ózge túrlerin jaqsy kóremin. Balalyq shaqta sýretshiniń qolynan shyqqan árbir dúnıede onyń ashqysy keletin túpsiz tereńdik, úlken tarıh jatqandaı bolatyn. Bul meniń fılosofııamen aınalysýyma shabyt berdi, tipti munda da tyǵyz baılanys bar. Biraq bul jerde – fılosofııada, ónerde jáne ózgelerinde tek oıdyń bar ekenin kenetten túsinip, men «oıǵa» kele bastadym. О́nerdegi forma men boıaý bizge forma men boıaý týraly ǵana aıtady – basqa eshteńe aıtpaıdy», – dedi ol.
Aıta keteıik, sportshynyń akkaýntynda tuńǵysh sýret budan bir apta buryn jarııalandy. Onyń paraqshasyna birneshe kúnniń ishinde 427 adam jazylyp úlgergen. Sýretter tizbeginde elimizdiń voleıbolshy qyzy Sabına Altynbekovanyń jáne bokstan olımpıada chempıony Serik Sápıevtiń beıneleri tur.
Talǵat RAIYMBEK.
