Jumysshy mamandyqtar úlesi artady

Jýyrda oblys ortalyǵynda Jumysshy mamandyqtary jylyna oraı, «Taza Qazaq­stan» baǵdarlamasyn sapaly júzege asyrý maqsatynda shahardaǵy kommýnaldyq sala ókilderine arnaıy tehnıkalar tapsyryldy.

Mine, osy jańa tehnıkalardy tizgin­deýge tájirıbeli mamandar men jas­tar tartylmaq. Tehnıkalardy tapsyrý barysynda oblys ákimi Nuralhan Kó­sherov dánekerleýshi, elektrshi, sý mamany, júrgizýshiler, kommýnaldyq salanyń qarapaıym qyzmetkerlerin marapattady. Bir top azamatqa О́nerkásip jáne qurylys mınıstrliginiń «Eńbek ardageri», «Turǵyn úı kommýnaldyq sharýa­shylyǵynyń qurmetti qyzmetkeri» tós­belgilerin, Qurmet gramotasyn tapsyrdy. Bıyl «О́ńirlik jumyspen qamtý kartasy» aıasynda 130 769 jańa jumys ornyn qurý kózdelgen. Onyń ishinde, 83554 oryn, ıaǵnı 63%-y – turaqty jumys. О́ńirde osy kúnge deıin 56 myńǵa jýyq adam jumyspen qam­tyldy. Onyń 22 380-i – turaqty, 33 619-y – sýbsıdııalanatyn ýa­qytsha ju­mys orny. Jalpy, jumyspen qam­tylǵandardyń 20 526-y nemese 36,7%-y – jumysshy mamandyq ıeleri.

Halyqty jumyspen qamtý týraly sharalar talqylanǵan májiliste oblys ákimi Nuralhan Kósherov óńirdegi orta arnaýly bilim berý uıymdarynda eńbek naryǵyna qajetti jumysshy mamandyqtar úlesin arttyrý qajettigin aıtty. Jaýapty tul­ǵalarǵa qosymsha ınvestısııalardy tartý arqyly jańa turaqty jumys oryn­darynyń ashylýyn qamtamasyz etýdi, eńbek adamynyń bedelin kóterý baǵy­tynda mańyzdy is-sharalar men jobalardy júzege asyrýdy tapsyrdy.

Oblystyq jumyspen qamtýdy úı­lestirý jáne áleýmettik baǵdarlamalar basqarmasynyń dereginshe, ulttyq jobalar men tujyrymdamalar aıasynda 375 ınfraqurylymdyq joba arqyly 4 074 jumys ornyn ashý kózdelip, 6 aıda 1708 jumys ornyn qurý josparlanǵan. Búgin-de 184 joba aıasynda 1 653 adam jumyspen qamtylyp, jospar 97% oryndalǵan. Bıyl 125 jeke ınvestısııalyq jobany iske asyrý arqyly 2004 jumys ornyn ashý kózdelip otyr. Onyń ishinde, 1050 oryn – turaqty, 954-i – ýaqytsha. Naqtyraq aıtqanda, kásipkerlik salasynda 48 joba arqyly – 651, agroónerkásip salasynda 67 joba arqyly – 1 195, týrızm salasynda 10 joba arqyly 158 jumys orny ashylmaq. Alty aıdyń josparymen 401 oryn ashý kózdelse, qazirgi ýaqytta 76 joba júzege asyp, 900-ge jýyq jumys orny quryldy. Qalǵan 49 jobany júzege asyrý jumysy jalǵasyp jatyr. «10 myń turǵynǵa – 100 jańa jumys orny» mem­lekettik baǵdarlamasy boıynsha 2025 jylǵa 22 595 jańa jumys ornyn qurý mejelenip, jyl basynan beri 3374 oryn ashyldy. Sondaı-aq ýaqytsha sýbsıdııalanatyn jumys oryndaryna 32 465 adamdy joldaý josparlanǵan. Qazirde 21 myńǵa jýyq azamat jumysqa ornalasyp, tıisti kezeńniń jospary 88,4% oryndaldy. Jańa bıznes-ıdeıalardy júzege asyrýǵa 1 793 memlekettik qaıtarymsyz grant berý kózdelse, birinshi lekpen 862 azamat komıssııanyń oń qorytyndysyn alyp úlgerdi. Jyl basynan beri ótkizilgen 45 bos jumys orny jármeńkesi aıasynda 1 829 adam jumysqa ornalasty.

Túrkistan oblysynyń bilim basqar­masy basshysynyń mindetin atqarýshy Aıgúl Qasymbekovanyń aıtýynsha, oblystyń kásiptik-tehnıkalyq bilim be­rý uıymdarynda (kolledjderde) 45 530 stý­dent eńbek naryǵyna qajetti ma­­mandyq boıynsha bilim alyp jatyr. 2025–2026 oqý jylyna kolledj stý­dentterine 15 500 grant, onyń ishinde jumysshy mamandyqtarǵa 9600 grant bólindi. 2024–2025 oqý jylynda 35 kolledj­de 171 kásiporynmen qamqorlyqqa alý jóninde kelisimshart túzildi. Jyl sońyna deıin qamqorlyqqa alýǵa qatysatyn ká­siporyn sanyn

200-ge deıin ulǵaıtý jos­parlanyp otyr. Sondaı-aq bıyl az qam­tylǵan aza­mat­tardyń sanyn 20%-ǵa tó­mendetý me­je­lengen. AÁK alýshy­lar­dyń sany 45 713 adamǵa nemese 48,2%-ǵa azaıǵan.

Aıta keteıik, oblysqa jyl basynan beri 196,5 mlrd teńge ınvestısııa tartyldy. Bul ótken jyldyń tıisti kezeńimen salystyrǵanda 1,5 ese joǵary. Oblys ekonomıkasynyń damýyna tyń serpin beretin, 2025–2028 jyldary júzege asyrylatyn 110 ınvestısııalyq joba pýly qalyp­tastyryldy. Bıyl 322 mlrd teńgege 57 ınvestısııalyq jobany iske qosyp, 6908 jumys ornyn qurý josparlanǵan.

Túrkistan oblysy