150 jyldyq tarıhy bar bul gazet Ispanııadaǵy eń kóne ári bedeldi aqparat kózderiniń biri sanalady. Basylymnyń resmı málimetine sáıkes, kún saıyn saıttaǵy jańalyqtardy 400 myńǵa jýyq oqyrman qarap otyrady. Osy aýdıtorııaǵa arnaǵan maqalasynda ıspan jýrnalısteri Dımashtyń klassıkalyq opera men zamanaýı estradalyq janrlardy ushtastyrý sheberligine aıryqsha toqtalady. Ánshiniń Plasıdo Domıngo jáne Hose Karreras syndy aty ańyzǵa aınalǵan tenorlarmen bir sahnada án salýy – olar úshin úlken oqıǵa.
«La Voz de Galicia» tilshisi Iolanda Garsııa bul suhbattyń Dımash úshin ıspan tilindegi alǵashqy basylymǵa bergen suhbaty ekenin atap ótken. Jýrnalıstiń aıtýynsha, aldaǵy konsert qarsańynda kópshilikke qazaq ánshisin jaqynyraq tanystyrý maqsat etilgen.
Aıta keteıik, Dımashtyń Ispanııadaǵy alǵashqy jeke konserti osy kúzde Barselonada ótpek. Bul kesh onyń Eýropa qalalaryn qamtıtyn «Stranger» týrynyń bir bóligi sanalady. Ánshi budan bólek, London, Berlın jáne Rıga qalalarynda da óner kórsetýdi josparlap otyr.
