Foto: Ashyq derekkóz
Bas kólik prokýratýrasynyń habarlaýynsha, oqıǵa azamattyń ushaqqa keshigip kelýimen bastalǵan. Ashýǵa boı aldyrǵan er adam áýejaı aýmaǵynda qoǵamdyq qaýipsizdikti qamtamasyz etip júrgen polısııa qyzmetkerleriniń zańdy talaptaryna baǵynýdan bas tartqan.
«Tergeý barysynda er adamnyń polıseılerdiń talaptaryn elemeı, olarǵa balaǵat sózder aıtyp, densaýlyqqa zııan keltirýmen ashyq qorqytqany anyqtaldy. Onyń áreketi bılik ókilderine qarsy qylmys retinde baǵalandy», delingen habarlamada.
Sot prosesi barysynda memlekettik aıyptaýshy kináni dáleldeıtin naqty jáne bultartpas aıǵaqtar usynǵan. Nátıjesinde er adam kináli dep tanylyp, oǵan 1 jyl 1 aı merzimge bostandyǵyn shekteý jazasy taǵaıyndalǵan.
Sot úkimi zańdy kúshine endi.
