5 mıllıon teńge mańǵystaýlyq Baýyrjan Retbaevqa buıyrdy
Jarty jyldan beri Qazaqstan ulttyq telearnasynda júrip jatqan «Qazaqstan daýysy» televızııalyq shoýy da aıaqtaldy. Jobadaǵy eń myqty úmitkerdiń biri, erekshe daýysymen kórermenderdiń ólsheýsiz yqylasyna bólengen mańǵystaýlyq Baýyrjan Retbaev básekelesterin de moıyndatty. Ánshi baıqaýdyń aqtyq synynda Karına Abdýllınanyń «Sen muńyńdy ber maǵan» ánin oryndap, ekinshi maýsym jeńimpazy atandy.
Aldyn ala ýáde etilgendeı, júldegerge – 5 mıllıon teńge tabystaldy. Al úmitkerdiń tálimgeri ánshi Almas Kishkenbaev abyroıǵa bólendi.
Qazir Baýyrjan T.Júrgenov atyndaǵy Qazaq Ulttyq óner akademııasynda estrada-vokal mamandyǵy boıynsha oqıdy. Buǵan deıin Sh.Qaldaıaqov atyndaǵy halyqaralyq konkýrsta ekinshi oryndy jeńip alǵan.
Kórermender bir aýyzdan «Qazaqstan daýysy» baıqaýynyń ádil ótkenin aıtady. Bul týraly joba dırektory Kenje Jumanuly:
– Joba tikeleı efırde ótkendikten, bári kórermenderdiń qalaýyna baılanysty boldy. Halyq jeńimpaz retinde Baýyrjandy kórgisi keldi. Baýyrjan da senimdi aqtady. Ol baıqaýdyń sońǵy kezeńinde Danııar Ismaılov, Indıra Edilbaeva men Maqsat Maqulbekovti basym daýyspen basyp ozdy. Baýyrjan qazaq ánderin de, shetel ánderin de naqyshyna keltirip oryndaı alady. О́tken kezeńde Meırambek Besbaevtyń «О́mir-ózen» ánin oryndaǵan kezde de, halyq «myna ándi Meırambekten de asyryp oryndaýǵa bolady eken-aý», degen pikir bildirip jatty. Bul – halyqtyń bergen baǵasy, – deıdi.
Jobaǵa qatysý barysynda súıkimdiligimen, qarapaıymdylyǵymen jurtty baýraǵan Baýyrjan: «Negizi jobanyń «Kórmeı tyńdaý» kezeńi aldyn ala túsirilgeni ózderińizge de belgili. Mende sol kezde prodıýserim boldy. Ol – Ulyqpan Joldasov. Biraq, joba kezinde basqa prodıýserlerden usynys tústi. Alaıda, men bas tarttym. Sebebi, tanymaıtyn adammen jumys isteýge qarsymyn», – deıdi.
Osylaısha «Qazaqstan daýysy» bıyl ekinshi maýsymdy qorytyndylady. Jobaǵa qatysýǵa 3,5 myńdaı úmitker tilek bildirse, shilde aıynda bastalǵan irikteý syndary kezinde 130 ónerpaz televızııalyq nusqaǵa qatysty. Sodan beri ánshi bolamyn degenderdiń álsizderi birtindep jobadan shyǵyp otyrdy.
Kenje Jumanuly alǵashqy maýsymda jeńimpaz atanbaı-aq, ónerde joly bolyp ketken jas daryndardyń bolǵanyn aıtady. Máselen, joba barysynda tanylǵan ánshi Marhaba Sábıeva Belorýssııada ótken «Slavıan bazary» baıqaýynda, sodan keıin Chehııada ótken «Gaýhar daýys» baıqaýynda birinshi oryndy jeńip alǵan. Sol sııaqty «Qazaqstan daýysy» baıqaýyna qatysqan birqatar talant ıeleri Almatyǵa qonys aýdaryp, prodıýserlerin taýyp, óner jolyna birjolata túsken.
Aınash ESALI,
«Egemen Qazaqstan».
ALMATY.
Aldyn ala ýáde etilgendeı, júldegerge – 5 mıllıon teńge tabystaldy. Al úmitkerdiń tálimgeri ánshi Almas Kishkenbaev abyroıǵa bólendi.
Qazir Baýyrjan T.Júrgenov atyndaǵy Qazaq Ulttyq óner akademııasynda estrada-vokal mamandyǵy boıynsha oqıdy. Buǵan deıin Sh.Qaldaıaqov atyndaǵy halyqaralyq konkýrsta ekinshi oryndy jeńip alǵan.
Kórermender bir aýyzdan «Qazaqstan daýysy» baıqaýynyń ádil ótkenin aıtady. Bul týraly joba dırektory Kenje Jumanuly:
– Joba tikeleı efırde ótkendikten, bári kórermenderdiń qalaýyna baılanysty boldy. Halyq jeńimpaz retinde Baýyrjandy kórgisi keldi. Baýyrjan da senimdi aqtady. Ol baıqaýdyń sońǵy kezeńinde Danııar Ismaılov, Indıra Edilbaeva men Maqsat Maqulbekovti basym daýyspen basyp ozdy. Baýyrjan qazaq ánderin de, shetel ánderin de naqyshyna keltirip oryndaı alady. О́tken kezeńde Meırambek Besbaevtyń «О́mir-ózen» ánin oryndaǵan kezde de, halyq «myna ándi Meırambekten de asyryp oryndaýǵa bolady eken-aý», degen pikir bildirip jatty. Bul – halyqtyń bergen baǵasy, – deıdi.
Jobaǵa qatysý barysynda súıkimdiligimen, qarapaıymdylyǵymen jurtty baýraǵan Baýyrjan: «Negizi jobanyń «Kórmeı tyńdaý» kezeńi aldyn ala túsirilgeni ózderińizge de belgili. Mende sol kezde prodıýserim boldy. Ol – Ulyqpan Joldasov. Biraq, joba kezinde basqa prodıýserlerden usynys tústi. Alaıda, men bas tarttym. Sebebi, tanymaıtyn adammen jumys isteýge qarsymyn», – deıdi.
Osylaısha «Qazaqstan daýysy» bıyl ekinshi maýsymdy qorytyndylady. Jobaǵa qatysýǵa 3,5 myńdaı úmitker tilek bildirse, shilde aıynda bastalǵan irikteý syndary kezinde 130 ónerpaz televızııalyq nusqaǵa qatysty. Sodan beri ánshi bolamyn degenderdiń álsizderi birtindep jobadan shyǵyp otyrdy.
Kenje Jumanuly alǵashqy maýsymda jeńimpaz atanbaı-aq, ónerde joly bolyp ketken jas daryndardyń bolǵanyn aıtady. Máselen, joba barysynda tanylǵan ánshi Marhaba Sábıeva Belorýssııada ótken «Slavıan bazary» baıqaýynda, sodan keıin Chehııada ótken «Gaýhar daýys» baıqaýynda birinshi oryndy jeńip alǵan. Sol sııaqty «Qazaqstan daýysy» baıqaýyna qatysqan birqatar talant ıeleri Almatyǵa qonys aýdaryp, prodıýserlerin taýyp, óner jolyna birjolata túsken.
Aınash ESALI,
«Egemen Qazaqstan».
ALMATY.
