Sporttyń bul túrinde áıelder arasynda da Qytaıǵa teń keler komanda joq. ITTF reıtınginiń TOP-10-dyǵyna Qytaı eliniń bes birdeı burymdysy enip otyr. Bir keremeti Sýn Insha, Van Manıýı, Chen Sıntýn, Van Idı, Kýaı Man birinshi-besinshi oryndardy ózara bólisip tur. Bul sportshylardyń barlyǵynyń ataqtary alysqa jaıylǵan. Atap aıtsaq, Sýn Insha Olımpııa oıyndarynda 5 (3 altyn+2 kúmis), álem chempıonatynda 11(9+1+1) ret jeńis tuǵyryna kóterildi. Parıj Olımpıadasynyń jekelegen saıysynda kúmis aldy. Fınalda Chen Menge ese jiberdi. Esesine Sýn keıingi dúnıejúzilik dodada dara shyqty. Van Manıýıdiń Olımpıadanyń 2, álemniń
7 dúrkin chempıony degen ataǵy bar. Qalǵandary da biraz ýaqyttan beri talaı dúbirli dodalarda daralanyp júr.
Japonııa quramasynyń da qarqyny qýantarlyq. Kún shyǵys eliniń Mıva Harımoto, Hına Haıata, Sasýkı Odo, Mıma Ito syndy arýlary altynshy-toǵyzynshy oryndardy enshilegen. Úzdik ondyqty Ońtústik Koreıanyń ókili Sın Iýıbın túıindep tur. Olardan bólek, Taıpeı, Rýmynııa, Aýstrııa, Brazılııa, Pýerto-Rıko, Makao, Mysyr, Fransııa, AQSh, Úndistan, Aýstralııa, Gonkong, Nıderland, Kanada, Germanııanyń ókilderin TOP-50 oıynshynyń qatarynan keziktirýge bolady.
О́kinishke qaraı, qazirgi kezde elimizdiń áıelder quramasynyń kórsetkishi kóńil kónshiterlik emes. Qyzdarymyzdyń arasynan eń táýir nátıje Sarvınoz Mirqadyrova men Záýresh Aqashevaǵa tıesili. Olar ITTF reıtınginde 193, 198-oryndarda tur. Janerke Kóshkimbaeva – 238, Angelına Romanovskaıa – 348, Araı Aqasheva – 437, Ánel Baqyt – 459, Anastasııa Lavrova 490-satyǵa turaqtaǵan.
