Qazaqstandyq rejısser Ashat Kýchıncherekovtiń «Baýyryna salý» kórkem fılmi Italııanyń Iskııa aralynda ótken 23-shi Ischia Film Festival halyqaralyq kınofestıvalinde «Úzdik tolyqmetrajdy fılm» nomınasııasy boıynsha bas júldege ıe boldy.
«Baýyryna salý» buǵan deıin de birqatar bedeldi festıvalderde top jarǵan:
- Asia Pacific Screen Awards baıqaýynda – «Eń úzdik jastar fılmi» atandy,
- Baku International Film Festival (Ázerbaıjan) – bas júlde,
- Cinema Heritage Festival (Fransııa) – arnaıy marapat,
- Operator Janarbek Eleýbek – Asia World Film Festival aıasynda «Úzdik operator» nomınasııasyn jeńip aldy.
Sonymen qatar týyndy «Oskar-2025» syılyǵyna «Shet tilindegi úzdik fılm» nomınasııasy boıynsha Qazaqstan atynan resmı usynyldy.
Kartınanyń sıýjeti – ejelgi qazaq dástúri boıynsha ájesiniń tárbıesinde bolǵan balanyń taǵdyryna negizdelgen. Ájesi qaıtys bolǵan soń, bala ata-anasyna oralyp, jańa ortaǵa beıimdelýde qıyndyqtarǵa tap bolady.
Ischia Film Festival – 2003 jyldan beri ótkizilip kele jatqan, Eýropadaǵy eń kórkem jáne erekshe kınofestıvalderdiń biri. Ortaǵasyrlyq Aragon saraıynyń aýmaǵynda ótetin bul shara túsirilim oryndarynyń kórkemdik jáne mádenı mańyzyn baǵalaýǵa erekshe mán beredi.
