Foto: QR Oqý-aǵartý mınıstrligi
QR Oqý-aǵartý mınıstrliginiń habarlaýynsha, bıylǵy olımpıadaǵa 93 elden 360-tan astam úzdik oqýshy qatysyp, hımııa ǵylymyndaǵy bilimin synǵa salǵan. Qazaqstan namysyn qorǵaǵan tórt oqýshy keremet nátıje kórsetip, halyqaralyq arenada elimizdiń jas hımıkteriniń kóshbasshylyq pozısııasyn taǵy bir dáleldegen.
Júldegerler:
- Kırıll Kım – Astana qalasyndaǵy Nazarbaev Zııatkerlik mektebiniń 12-synyp oqýshysy;
- Abylaı Kabdýlhadyr – Astana qalasyndaǵy Nazarbaev Zııatkerlik mektebiniń 12-synyp oqýshysy;
- Eńlik Baqytbekova – Almaty qalasyndaǵy Nazarbaev Zııatkerlik mektebiniń 12-synyp oqýshysy;
- Ańsar Jaqsylyqov – Aqtóbe oblysyndaǵy «Bilim-ınnovasııa» lıseıiniń 10-synyp oqýshysy.
Ulttyq quramanyń ǵylymı jetekshileri:
- Sanjar Begdaır – KAIST (Korea Advanced Institute of Science and Technology) magıstranty, halyqaralyq jáne respýblıkalyq olımpıadalardyń jeńimpazy;
- Rınat Ilıýsızov – halyqaralyq jáne respýblıkalyq bilim dodalarynyń birneshe dúrkin jeńimpazy.
Oqý-aǵartý mınıstri Ǵanı Beısembaev bul jetistik qazaqstandyq bilim sapasynyń joǵary deńgeıin taǵy bir márte dáleldegenin atap ótti.
«Bul jeńis – jas býynnyń jarqyn bolashaǵyna jol ashatyn berik negiz dep senemin. Jetistikterińiz eselene bersin, alar asýlaryńyz bıik bolsyn! Elimizdiń damýyna úles qosatyn bilimdi de talapty azamat bolyp ósýlerińizge tilektespin», dep jazdy mınıstr óziniń resmı paraqshasynda.
Ulttyq quramanyń daıyndyq barysy QR Oqý-aǵartý mınıstrligine qarasty «Daryn» respýblıkalyq ǵylymı-praktıkalyq ortalyǵynyń qoldaýymen ulttyq qurama halyqaralyq oqý-jattyǵý jıyndaryna qatysyp, 2024–2025 oqý jylynda eýropalyq jáne halyqaralyq olımpıadalarda 100% nátıje kórsetip otyr.
