Mınıstrdiń aıtýynsha, búginde eńbek qatynastary sıfrlyq formatta júrgiziledi. Al eńbek ótili Biryńǵaı esep júıesinde tirkelgen elektrondy eńbek sharttary men zeınetaqy jarnalary arqyly esepteledi.
«Eńbek kitapshasy – eskirgen qujat. Qazir onyń qajeti joq. Qalaǵan adam estelik retinde saqtap qala alady, biraq zań boıynsha ol talap etilmeıdi», dedi Svetlana Jaqypova.
Jańa tártip boıynsha jumysqa ornalasý úshin elektrondy eńbek sharty jetkilikti. Eger zeınetaqy jarnalary turaqty aýdarylsa, eńbek ótili avtomatty túrde esepke alynady.
Mınıstrlik bul ózgeris eńbek qatynastaryn jeńildetip, qaǵazbastylyqty azaıtýǵa jáne sıfrlyq qyzmetterdiń sapasyn arttyrýǵa baǵyttalǵanyn atap ótti.
