Foto: kaz.zakon.kz
Bul qarqyn alǵashqy bes aıǵa qaraǵanda 0,2%-ǵa joǵary jáne keıingi 14 jyldaǵy JIО́ ósýiniń eń joǵary kórsetkishi bolyp tirkelgen. Al ótken jyldyń sáıkes kezeńimen salystyrǵanda ósim 3,2 paıyzǵa kóp.
Ekonomıkanyń naqty sektory +8 paıyzǵa, qyzmet kórsetý salasynda 5,2 paıyzǵa oń nátıje tirkelgen. Sondaı-aq, kólik (+22,7%) jáne qurylys (+18,4%) salalary da ekonomıkanyń ósýine aıtarlyqtaı úles qosqan. Saýdada jandaný jáne taý-ken ónerkásibinde turaqty ósim baıqalyp otyr (+8,4%).О́ńdeý sektory 5,5%-ǵa, al aýyl sharýashylyǵy 3,7%-ǵa artqan.
Investısııa ıgiligi de el ekonomıkasynyń órleýine oń sep bolyp otyr. Máselen, negizgi kapıtalǵa salynǵan ınvestısııalar 19,3%-ǵa ósken. Nátıjeli kórsetkishter bolashaq ekonomıkasyn qalyptastyratyn salalarda: bilim berý 3,5 esege, qarjy jáne saqtandyrý qyzmeti – 86,2%-ǵa, óńdeý ónerkásibi - 48,9%-ǵa, densaýlyq saqtaý - 32,8%-ǵa jáne kólik - 16,2%-ǵa artqan.
Sonymen qatar, osy jyldyń qańtar-mamyr aılarynyń qorytyndysy boıynsha syrtqy saýda taýar aınalymy $53,5 mlrd-ty quraǵan. Eksport $29,8 mlrd-qa jetken. Bul rette óńdelgen taýarlardy shetelge satý úlesi $10,2 mlrd-ty, ımport 2,2%-ǵa artyp, $23,8 mlrd-ty quraǵan.
Aıta keteıik, Qazaqstan ekonomıkasy jyldyń alǵashqy 4 aıynda 6 paıyz ósim kórsetken bolatyn.
