Foto:ortcom.kz
Atalǵan karta – týrısterdiń qaýipsizdigin qamtamasyz etýge jáne eldegi týrıstik ınfraqurylymdy jaqsartýǵa baǵyttalǵan keshendi sharalardyń bir bóligi. Sheteldik azamattar úshin arnaıy safetravel.kz mobıldi platformasy iske qosylyp, qajetti aqparat kóptildi formatta qoljetimdi.
Qazirgi ýaqytta týrıstik kartalar Astana men Almaty halyqaralyq áýejaılarynda, sondaı-aq Túrkistan oblysyndaǵy «Qaplanbek» shekaralyq baqylaý beketinde taratyla bastaǵan. Jobanyń alǵashqy kezeńiniń nátıjeleri oń baǵalanyp jatyr.
Kartadaǵy QR-kod arqyly týrıster kelesi mańyzdy málimetterge qol jetkize alady:
- «102» mobıldi qosymshasyn júkteý jáne ony paıdalaný nusqaýlyǵy (tótenshe jaǵdaıda «SOS» batyrmasy arqyly jedel kómek shaqyrý múmkindigimen);
- Sheteldikter úshin kóshi-qon talaptary men tirkeý tártibi;
- Taksı qyzmetteriniń ortasha baǵasy jáne usynylǵan qosymshalar tizimi;
- Uıaly baılanys operatorlary men SIM-kartalardyń baǵasy týraly málimetter.
