Sýret: zdrav.expert
Mamandardyń aıtýynsha, 62 jastaǵy naýqas birneshe aı boıy basynyń sol jaq bóligindegi isikten zardap shekken. Oń qoly men aıaǵy syzdatyp, janyna tynyshtyq bermegen. Toqtaýsyz mazalaǵan bas aýrýy aqyry dárigerlerdiń aldyna aparypty.
Jumysyna jaýapkershilikpen qaraıtyn dárigerler naýqasty jedel magnıttik-rezonanstyq tomografııadan ótkizip, onoskrınıng jasaǵan. Nátıjesinde, kólemi 6h6 quraıtyn, mı qurylymdaryna qysym keltirgen ári samaı súıegin zaqymdaǵan qaýipti isikti anyqtaǵan. Iri isik bas súıekke qysym keltirip qana qoımaı, mı tinderine deıin ótip, qan tamyrlarymen tyǵyz baılanysyp ketken. Operasııa jasaý aıtarlyqtaı qıyn, qan ketý qaýpi joǵary bolsa da, Gıppokrat antyna berik mamandar táýekelge bel býypty.
Neırohırýrg mamandar Erkebulan Merkibekov pen Bolat Keńshiliktiń aıtýynsha, kúrdeli operasııany jasaý jumysy eki kezeńdi qamtyǵan. Bastapqy kezeńde dárigerler ınvazıv tásilin qoldandy. Utymdy ádisti qoldanýdyń nátıjesinde, san arterııasy arqyly mıǵa jetip, isikti qorektendirip turǵan qan tamyrlaryn bitep, operasııa kezindegi qan ketý qaýpi barynsha azaıtyldy.
Kúrdeli operasııanyń negizgi bóligin tájirıbeli mamandar Nurjan Áıtimbetov pen Almaz Quralbaev atqardy. Syrqattyń samaı súıegin ashyp, isikti tolyq alyp tastady. Sondaı-aq qatty mı qabatyna plastıkalyq túzetý engizdi. Úsh saǵatqa sozylǵan operasııa sátti aıaqtalyp, naýqastyń mańyzdy mı qurylymdaryna zaqym kelgen joq.
«Der kezinde jasalǵan kúrdeli operasııa sátti ótti. Operasııadan keıin naýqastyń jaǵdaıy jedel ońaldy. Bas aýrýy basylyp, oń jaq qol-aıaǵyndaǵy álsizdik toqtady. Naýqas óz betinshe júrip-turatyn boldy. Qazirgi kezde jaǵdaıy turaqty. Ambýlatorııalyq baqylaýmen úıine shyqty. Mundaı kúrdeli operasııany oıdaǵydaı jasaý – komandalyq jumystyń nátıjesi», deıdi mamandar.
Operasııa áleýmettik medısınalyq saqtandyrý aıasynda tegin jasaldy. Jalpy, mundaı sanattaǵy operasııa shuǵyl jaǵdaıda memleket kepildigimen de aqysyz jasalady. Mıǵa jasalatyn kúrdeli operasııa úshin endi elordaǵa barýdyń qajeti joq. О́ıtkeni óńirde joǵary tehnologııamen qamtylǵan neırohırýrgııalyq kómek qoljetimdi. Bilikti dárigerler men zamanaýı medısınalyq quraldardyń arqasynda buryn ortalyqta ǵana jasalatyn operasııalar endi óńirde de qolǵa alynyp jatyr.
TARAZ
