Fotolar: primeminister.kz
Qazaqstan Japonııamen keńeıtilgen strategııalyq áriptestikti damytýǵa úlken mán beredi. Bul baǵytta el Úkimeti Prezıdent Qasym-Jomart Toqaev belgilegen mindetterdi dáıekti túrde júzege asyryp jatyr.
Kezdesý barysynda «Hıroshıma – Semeı» bastamasyn jalǵastyrýdyń, sondaı-aq Mayors for Peace halyqaralyq qozǵalysy aıasynda bilim almasýdyń mańyzdylyǵy atap ótildi. Taraptar Iаdrolyq qarýdy taratpaý týraly sharttyń (IаQTSh) alda ótetin Sholý konferensııasy sheńberinde odan arǵy ózara is-qımylǵa ázir ekendikterin bildirdi.
Japon gýbernatory ıadrolyq qarýdy taratpaý máselelerinde Japonııa men Qazaqstannyń yntymaqtastyǵy asa mańyzdy ekenin atap ótti.
«Biz Qazaqstannyń halyqaralyq arenadaǵy qoldaýyn joǵary baǵalaımyz. Saparymyzdyń bir maqsaty – dostyqty nyǵaıtý. Eki elde de ıadrolyq qarý saldarynan jınalǵan mol tájirıbe bar. Biz Hıroshımalyqtar ózimizdi mańyzdy mıssııamyz bar jandarmyz dep sanaımyz, ol – álemdi ıadrolyq qarýdan azat etý jolynda tynymsyz eńbek etý. Qazaqstan – Iаdrolyq qarýdy taratpaý týraly qozǵalystyń Ortalyq Azııadaǵy múshesi», dedi Hıdehıko Iýzakı.
«Qazaqstan radıasııadan zardap shekkenderdi medısınalyq jáne áleýmettik qoldaý, sondaı-aq radıasııalyq medısına salasyndaǵy tehnologııalardy ázirleý jáne engizý sııaqty baǵyttar boıynsha Japonııamen yntymaqtastyqty tereńdetýge umtylady. Biz Japonııa Úkimetine Semeıdegi ıadrolyq synaqtar saldarymen kúresý úshin óteýsiz grant berý nıetine alǵys bildiremiz. Bul bastama medısınalyq kómek kórsetý sapasyn arttyrýǵa ornyqty túrde uzaqmerzimdi áser etetinine senimdimiz», dep atap ótti Oljas Bektenov.
Aıta ketsek, 2024 jyldyń qorytyndysy boıynsha Qazaqstan men Japonııa arasyndaǵy taýar aınalymy $1,8 mlrd-ty qurady. Qazirgi ýaqytta Qazaqstanda 60-tan astam japondyq kompanııa tabysty jumys istep jatyr. Sońǵy 20 jylda japon bıznesi QR ekonomıkasyna shamamen $8,3 mlrd ınvestısııa saldy. Toyota, Hitachi, Marubeni jáne basqa da kompanııalarmen iri jobalar júzege asyryldy.
