Foto: Oqu-agartu ministrligi
Búginde Qytaı, Ońtústik Koreıa, Fransııa, Túrkııa, Japonııa, Ulybrıtanııa, Grýzııa, Reseı, ıaǵnı 8 eldiń seriktesterimen 50-den astam memorandým jasalǵan. Halyqaralyq jobalarǵa Astana, Almaty, Shymkent qalalary jáne Qostanaı, Qaraǵandy, Jambyl, Mańǵystaý oblystarynan 20-dan astam kolledj qatysyp jatyr.
Oqý-aǵartý mınıstrliginiń málimetinshe eń kóp kelisimder Qytaı Halyq Respýblıkasymen jasalǵan. Yntymaqtastyq aıasynda Qazaqstan-Qytaı kásibı kolledji qurylatyn bolady. Sondaı-aq balalar men jastarǵa arnalǵan ınnovasııalyq bilim berý sheshimderin ázirleýge mamandanǵan KidsGo Technology Ltd tehnologııalyq kompanııasymen áriptestik bastaldy.
Sala mınıstrligine qarasty Tehnıkalyq jáne kásiptik bilim berý departamentiniń dırektory Aset Muhanbetovtiń aıtýynsha, atalǵan bastamalar – tehnıkalyq jáne kásiptik bilim berý júıesin Jumysshy mamandyqtar jyly aıasynda jańǵyrtýdyń mańyzdy qadamy bolyp tabylady.
«Bastamalar halyqaralyq yntymaqtastyqty nyǵaıtýǵa, ozyq bilim berý tehnologııalaryn engizýge jáne qazaqstandyq túlekterdiń jahandyq eńbek naryǵyndaǵy básekege qabilettiligin arttyrýǵa yqpal etedi», dedi A.Muhanbetov.
