Quzyrly organnyń málimetinshe, zerthana Eýrazııalyq ekonomıkalyq odaqtyń KO TR 011/2011 «Lıftterdiń qaýipsizdigi» tehnıkalyq reglamenti sheńberinde baǵalaý júrgizgenimen, bul áreket onyń akkredıtteý salasyna kirmeıtin kórsetkishterdi qamtyǵan. Mundaı qadam «Sáıkestikti baǵalaý salasyndaǵy akkredıtteý týraly» Zańnyń 14-baby 5-tarmaǵyna qaıshy keledi. Atalǵan zań talabyna sáıkes akkredıttelgen uıymdar tek óz quzyretine jatatyn jumystarmen aınalysýy tıis jáne normatıvtik talaptardy buljytpaı oryndaýǵa mindetti.
«Sáıkestikti baǵalaý júıesindegi talaptardyń saqtalýy, ásirese lıft sııaqty kúrdeli tehnıkalyq nysandardyń qaýipsizdigine qatysty bolǵan jaǵdaıda, asa ózekti. Sondyqtan biz osy salada jumys isteıtin barlyq taraptardy belgilengen zańnamalardy qatań ustanýǵa shaqyramyz. Bul – yqtımal táýekelderdi azaıtyp, jabdyqtardyń qaýipsiz ári senimdi qoldanylýyna jol ashady», dedi Saýda jáne ıntegrasııa mınıstrligine qarasty Tehnıkalyq retteý jáne metrologııa komıtetiniń tóraǵasy Janna Esenbekova.
Nátıjesinde synaq zerthanasyna 2 mıllıon 320 myń teńgeden astam kólemde aıyppul salynyp, zańǵa qaıshy áreketterdi túzetý týraly nusqama berildi.
